विप्लव नेकपाको पोलिटव्युरो र स्थायी कमिटी भंग

१७ श्रावण २०७६, शुक्रबार ०   बिचार / प्रतिक्रिया
21 Shares

फाइल तस्वीर

काठमाडौं- नेत्रविक्रम चन्द नेतृत्वको नेपाल कम्युनिस्ट पार्टीले संगठनलाई थप चलायमान बनाउन भन्दै पोलिटब्यूरो र स्थायी कमिटी भङ्ग गरेको छ । पार्टीनिकट स्रोतका अनुसार विप्लवले पोलिटव्युरो र स्थायी कमिटी भंग गरी सचिवालय गठन गरेका छन् । पार्टीको आन्तरिक रणनीति मजबुद बनाउन तथा पार्टी भित्र शुद्धिकरणका लागि भन्दै विप्लवले पार्टीको जिम्मेवारीमा रहेका केहि नेताहरुलाई हटाएर ५ सदस्यीय सचिवालय गठन गरेका हुन् । विप्लवकै नेतृत्वमा सचिवालय गठन भएको भए पनि अन्य सदस्य को को राखिएको छ भन्ने विषय खुलाइएको छैन ।

पार्टीका केहि शीर्ष नेताहरु पक्राउ परेपछि उनीहरुको रिक्त स्थानलाई परिपूर्ति गर्न र पार्टीलाई थप चलायमान बनाउन नयाँ रणनीतिका साथ पार्टी अघि बढेको नेपाल कम्युनिस्ट पार्टीले जनाएको छ । सुराकी गरी पार्टीलाई कमजोर बनाउने अभियानमा लागेका व्यक्तिलाई कारबाही स्वरुप पनि पार्टीको जिम्मेवारीबाट हटाइएको विप्लव नेकपाले जनाएको छ । राजनीतिक विश्लेषकहरुले भने पार्टीलाई मजबुद बनाउन तथा नयाँ रणनीतिका साथ अघि बढ्न स्थायी कमिटी र पोलिटव्युरो विगठन गरेको हुनसक्ने बताएका छन् । विप्लवले नयाँ रणनीति कार्यान्वयन गर्न सहज होस् भन्नका लागि पोलिटव्युरो र स्थायी कमिटी भंग गरेको हुनसक्ने पूर्वगृहसचिव श्रीकान्त रेग्मीले बताए । उनले पार्टीलाई पुनर्सङ्गठित गर्न र नयाँ ढंगबाट अघि बढ्नका लागि यो रणनीति लिएको हुन सक्ने आंकलन गरे ।

प्रहरीले उपत्यका ब्यूरो इन्चार्ज माइला लामालाई काठमाडौंबाट पक्राउ गरेपछि रिहाइको माग गर्दै पार्टीले विभिन्न आन्दोलनका कार्यक्रम घोषणा गरेको थियो । लामा पहिलो संविधानसभा निर्वाचनमा काठमाण्डू क्षेत्र नं. ९ बाट उठेका थिए र नेपाली कांग्रेसका उम्मेदवार ध्यानगोविन्द रञ्जितसँग पराजित भएका थिए। सरकारले चन्द नेतृत्वको नेकपाका ‘हिंसात्मक गतिविधि’ माथि प्रतिबन्ध लगाएयता प्रहरीले उसका ठूला नेतालाई पक्राउ गर्ने रणनीति लिएको देखिन्छ। यसअघि नेकपाका मध्य केन्द्रीय कमान्ड इन्चार्ज तथा स्थायी कमिटी सदस्य हेमन्तप्रकाश ओली पक्राउ परेका थिए। त्यसभन्दा पहिले नेकपाका प्रवक्ता खड्गबहादुर विश्वकर्मा पटकपटक पक्राउ पर्दै अदालतको आदेशमा छुटेका थिए।

फेसबुकबाट तपाईको प्रतिक्रिया

ताजा समाचार

  • के छ विष्णु पुराण अध्यायमा
  • पुरुषको जीवमा यी लक्षण भएका स्त्रीसंग विवाह गर्दा भाग्य चम्कने
  • व्रत बस्नुका के के छन् फाइदा
  • आफै कार्यसूचीबाट प्रस्ताव हटाएर कांग्रेसलाई आरोपीत गर्ने विषय गम्भीर छ…
  • कांग्रेस नेता भण्डारीद्वारा कुवेतमा रहेकी सुत्केरी महिलालाई ५० हजार आर्थिक…
  • भारतले नेपाल र चीनसँग परिस्थिति बिगारिरहेको पाकीस्तानका प्रमको दाबी
  • नेपाल मेडिकल कलेजका २ डाक्टर माथी कुटपीट
  • कांग्रेस प्रवक्ताले भने – प्रस्ताव ल्याउँदा कांग्रेस नचाहिने फिर्ता गर्दा…
  • कोरोना भाईरसवाट निको भएर घर फर्कीए १८३ नेपाली
  • एनआरएनए अमेरिकाको नवौँ साधारण सभा डिजिटल अनलाईन हुने ।