स्नुकरका बादशाह रेगन श्रेष्ठ : हिजोका दर्शक, आजका नेपाल च्याम्पियन

२३ श्रावण २०७६, बिहीबार ०   बिचार / प्रतिक्रिया
762 Shares


दिपक न्यौपाने ।साउन ११ ।केहि दिनअगाडी काठमाण्डौमा सम्पन्न प्रथम चामुन्डा स्नुकर प्रतीयोगीतामा प्रथम भइ शिल्ड उचाल्दै गर्दा रेगन श्रेष्ठमा जुन खुसी देखिन्थ्यो त्यो भन्दा कम खुसी थिएन बुटवलका स्नुकरप्रेमीहरुको पनी । रेगन श्रेष्ठ तिनै हुन जसले लगातार ३ पटकसम्म आफुलाइ नेपाल च्याम्पियन बनाउन सफल रहे । पछिल्लो समय इन्डोर गेम स्नुरकतर्फ आर्कषण बढिरहदा रेगन श्रेष्ठजस्ता खेलाडीहरुले पाएको सफलताले सबैलाइ होस्साएको छ । बुटवल निवासी रेगन बिगत ७–८ बर्षदेखी काठमाण्डौमा बसिरहेका छन । बुटवल अमरपथका स्व कृष्णमान श्रेष्ठ र शिला श्रेष्ठका कान्छा छोरा रेगनले स्नुकरको स्टिक समाप्त थालेको डेढदशक भन्दा धेरै भैसकेको छ । यो बिचमा जिन्दगीका आरोह अबरोहलाइ छिचोल्दै उनले आफ्नो स्कुकर खेलप्रतीको लगाबलाइ अगाडी बढाइरहे । आज म स्नुकर खेलाडी भनेर चिनिएको छु, हाम्रो खेलकुदकर्मिसग कुराकानी गर्दै श्रेष्ठले भने – नेपालभरकै उत्कृष्ट खेलाडी हुन पाएकोमा औधी खुसी लागेको छ । हिजोका दिनमा हामीजस्ता खेलाडीहरुलाइ काम नपाएकाहरुले खेल्ने खेल भनेर सम्बोधन गरिन्थ्यो । तर आज सबैको नजर स्नुकरमा परेको देख्दा खुसी लाग्छ । ’’ अझ उनी दाइहरुको संगतबाटै यो खेलमा आर्कषीत गरेको बताउछन । कुनै बेला उनी बुटवलको पहिलो स्नुकर हाउस बुटवल स्नुकर हाउसमा दर्शक थिए । अरुले खेलेको हेर्थे । पछी खेल्दा खेल्दै जिल्लाको उत्कृष्ट खेलाडी हुदै हाल स्नुकरमा नेपालको सर्वोउत्कृष्ट खेलाडी बन्न सफल भएका छन ।

हिजो जिरो , आज हिरो  आजभन्दा झण्डै डेढदशक अगाडी फर्कदा रेगन श्रेष्ठको जिन्दगी अर्कै थियो । उनी साथीभाइको लहलहैमा हिड्थे । आनन्दको लागी झण्डै ८ देखी १० बर्ष लागुपदार्थ सेवन गरेको कुरा भन्न उनी धक मान्दैनन । त्यो बेला अर्कै समय थियो , रेगनले थपे – समयले त्यस्तै बनाएको थियो । स्कुल पढ्दादेखी नै लागुपदार्थ सेवन गरियो जसले गर्दा आफ्नो करियर सोचेजसरी अगाडी बढ्न सकेन । अब त्यो बिगत भैसक्यो , अहिले त मेरो पुरै ध्यान स्नुकर र आफ्नो ब्यबसायमा केन्द्रित रहेको छ । ’’ उनले आफु त्यतीबेला जिरोमा रहेको र अहिले आएर खेलको माध्यमबाट सबैमाझ चिनिन पाउदा खुसी रहेको जनाए । हालसम्म उनले नेपाल तथा बाहिर सन्चालन भएका दर्जनौ प्रतीयोगीतामा आफुलाइ अब्बल साबित गरेका छन् । अहिले उनी नेपाली स्नुकरको बादशाह हुन भन्दा फरक पर्दैन , रुपन्देहि पुल तथा स्नुकर सघंका अध्यक्ष गजेन्द्रमान श्रेष्ठ भन्छन – रेगनले गर्दा हामी बुटवलबासीको नाम स्नुकरमा अगाडी आएको छ । उनी नेपाल च्याम्पियन हुदै गर्दा यहाका सघंसस्था र स्थानीय निकायले सम्मान गर्नुपर्ने हो , तर खेलाडीहरुलाइ वेवास्ता गरिएको छ जुन अत्यन्तै दुखद कुरा हो । ’

रोनिओ सेलेभानबाट प्रभाबीत, वल्र्डच्याम्पियनमा भाग लिदै.  सबै खेलाडीका आ आफ्ना प्रेरणदायी र मनपर्ने खेलाडी हुन्छन । त्यसमध्ये यी नेपाल च्याम्पियन श्रेष्ठलाइ बेलायतका खेलाडी रोनिओ सेलेभान अत्यन्तै मन पर्छ । उनी बाट धेरै कुरा सिकेको बताउने रेगनले आफ्नो लगनशिलता र धौयर्ता भएको खण्डमा जुनसुकै क्षेत्रमा पनी सफलता पाउने बताए । सेप्टेबरमा बंगलादेशको टुनामेन्टमा सहभागी हुने रेगन त्यसलगत्तै वल्र्ड च्याम्पियनसिपमा सहभागी हुन म्यानमार जानेछन । एउटा खेलाडीको लागी यो ठुलो मौका हो , विलियर्ड पुल तथा स्नुकर सघंका केन्द्रिय अध्यक्ष सरोज मुल्मिले थपे – उनी जस्ता प्रतीभाबान खेलाडीहरुलाइ अगाडी बढाउन म लगायत हाम्रो सघं निरन्तर रुपमा अगाडी बढीरहेको छ । अब राज्यबाट पनी स्नुकर खेललाइ प्रमोट गर्नका लागी सहयोग चाहिन्छ । ’’ खेलाडी रेगनलाइ अझै अगाडी बढ्न उनको परिवार र साथीभाइको ठुलो हौसला रहेको छ । हाल उनले आफुले पनी प्रशिक्षण दिदै अरुलाइ पनी जानेको कुराहरु सिकाउदै आएको बताउछन । यता पुलिस प्रशासनबाट पनी स्नुरकमा लागुपदार्थ खाने युवाहरुको भिड हुन्छ भन्दै बेलाबेलामा कर्के नजर परिरहेको देखिन्छ । तर अहिले बिभिन्न सघंहरुले आफ्नै आचारसंहिता बनाएर खेलाडीहरुलाइ अगाडी बढाउन प्रेरणा दिएका छन । र प्रहरीको कर्कै नजर पनी फेरीदै गएको छ ।

फेसबुकबाट तपाईको प्रतिक्रिया