गाडीमा यात्रा गर्दा बान्ता हुने समस्या छ भने यसरी सजिलै संग रमाईलो यात्रा गर्न सकिने

२४ श्रावण २०७६, शुक्रबार ०   बिचार / प्रतिक्रिया
80 Shares


बस, माइक्रो, ट्याक्सी आदिमा टाढाको यात्रा गर्दा धेरैलाई वान्ता अर्थात उल्टी हुने समस्या हुन्छ । वान्ता हुने समस्याका कारण कतिपय मानिसहरु यात्रा गर्नुपर्ने भएमा पहिलादेखि नै असहज महशुस गर्छन् । वान्ता हुने समस्याका कारण कतिपय साना बालबालिका त बस वा माइक्रो देख्ने बित्तिकै डराएर रुनसमेत थाल्छन् । सवारी साधानमा यात्रा गर्दा किन हुन्छ वान्ता ? यदी तपाईलाई पनि सवारी साधानमा यात्रा गर्दा वान्ता भएको छ भने तपाईलाई राम्रोसँग थाहा छ वान्ता हुँदा शरीर र मन कति धेरै कमजोर हुन्छ भनेर । त्यसैले आज हामी वान्ता किन हुन्छ र वान्ता हुनबाट कसरी बच्न सकिन्छ भनेर जानकारी दिदैछौं ।

सवारीमा यात्रा गर्दा वान्ता किन हुन्छ ?टाढाको यात्रा गर्दा वा धेरै घुम्तिको बाटोमा यात्रा गर्दा मानिसलाई वान्ता हुन्छ । तीव्र गतिमा रहेको सवारीभित्र मानिसले पर्याप्त मात्रामा अक्सिजन नपाउँदा वान्ता हुनसक्छ ।

कसरी बच्ने ?

–वान्ता हुन लागेमा लामो–लामो श्वास लिने,

–यात्रा गर्दा कागती लिएर जाने र बेलाबेलामा कागती सुँघ्ने,

–अदुवाको टुक्रा वा अदुवा राखेको चिया खाने,

–ल्वाङ्ग खाने,

–कागती र पुदिनाको जुस पिउने,

– सुकमेल खाने,

– यात्रा गर्दा वान्ता हुने समस्या छ भने सकेसम्म अगाडिको सिट वा झ्याल भएको सिटमा बस्ने,

–यात्रा गर्नुअघि केही खानेकुरा खाने ।

फेसबुकबाट तपाईको प्रतिक्रिया