जर्मनीमा विद्यार्थी भिसा आवेदन दिनुअघि थाहा पाउनुपर्ने १७ महत्वपूर्ण जानकारी

२७ श्रावण २०७६, सोमबार ०   बिचार / प्रतिक्रिया
26 Shares


एजेन्सी -उच्च शिक्षाका लागि जर्मनी नेपाली विद्यार्थीहरुको प्रमुख गन्तव्यको रुपमा रहेको छ ।उच्च शिक्षाको स्तर र पूर्वाधारमा अरु मुलुकभन्दा धेरै अघि रहेकाले नेपाली मात्र होइन अरु मुलुकका विद्यार्थीहरु पनि उच्च शिक्षा अध्ययनका लागि जर्मनी पुग्ने गरेका छन् ।धेरै नेपालीहरु अध्ययनका लागि जर्मनी जानेबारे सोचविचार गरिरहेका हुनसक्छन् । उनीहरुलाई जर्मनीको विद्यार्थी भिसाको आवेदन दिँदा के के कुरामा ध्यान दिने भन्नेबारे स्पष्ट जानकारी नहुन सक्छ ।

हामीले यहाँ जर्मनीमा विद्यार्थी भिसाको आवेदन दिँदा वा जर्मन विद्यार्थी भिसा प्राप्त गरिसकेपछि के–के कुरामा ध्यान दिने भन्नेबारे १७ बुँदा तयार पारेका छौं ।

१भिसाको प्रक्रिया अनलाईनको माध्यमबाट मात्रै हुन्छ । कुनै फोन, इमेल फ्याक्स वा व्यक्तिगत माध्यमबाट हुन्न ।

२ अनलाइन भिसा आवेदन फाराम कुनै पनि मुलुकमा रहेको जर्मन दूतावासको वेबसाइटमार्फत् सित्तैमा डाउनलोड गर्न सकिन्छ ।

३ आफ्नो पासपोर्टको म्याद कति छ भन्ने विषयमा एकदमै चनाखो हुनुपर्छ । आवेदकले जर्मनी रही अध्ययन गर्ने समयअवधी वा सम्भावित रुपमा लम्बिनसक्ने आफ्नो जर्मनी बसाइको अवधिसम्म पासपोर्टको म्याद सकिएको हुनुहुन्न ।

४ भिसाको आवेदन दिँदा विद्यार्थी भिसा नै तोकेर आवेदन दिनुपर्छ । त्यहाँ रही स्थायी बसोबास अनुमतिपत्र पाउँछु भन्ने लोभले पर्यटन भिसामा जर्मनी पुगेपनि पर्यटन भिसा नवीकरण नहुने भएकाले आवेदकको अध्ययनमा बाधा उत्पन्न हुनसक्ने बारे चनाखो हुनुपर्छ ।

५ आफू जर्मनीको विश्वविद्यालयमा भर्ना हुने, त्यहाँ बस्ने व्यवस्था मिलाउनका लागि समय छुट्याएर मात्र भिसाको आवेदन दिनुपर्छ । अन्यथा समयका कारण जर्मनीमा अल्मलिन सकिन्छ ।

६ भिसाको आवेदन दिँदा आवेदन फारामको कुनै स्थान खाली भएमा वा गलत विवरण भरी आवेदन दिएमा भिसा आवेदन अस्वीकृत हुने हुँदा हरेक विवरण एकदम सोचविचार गरी भर्नुपर्छ । भरिसकेपछि पनि एकदुई पटक पुनः चेक गर्नुपर्छ ।

७ भिसा आवेदन फाराममा आफ्नो फोटो टाँस्नुहुन्न ।

८भिसा अन्तरवार्ताका बेला आफू स्वंय नै उपस्थित हुनुपर्छ ।

९ भिसाको आवेदन दिई अन्तरवार्ताका लागि बोलाइसकेपछि भिसा प्रदान गर्ने अधिकारीले आवेदकसँथ थप कागजपत्र माग्न सक्छन् । यसकारण अन्तरवार्ताका बेला आफूले भिसा आवेदन गर्दा दिएको कागजातबाहेक अन्य महत्वपूर्ण दस्तावेज पनि साथै ल्याउनुपर्छ ।

१० भिसा अन्तरवार्ताका लागि आफूसँगै अरु कसैलाई राजदूतावास वा भिसा अन्तरवार्ता दिने स्थानमा ल्याउनु हुन्न ।

११ भिसाको प्रक्रिया चलिरहेका बेला अवेदकको पासपोर्ट दूतावासमै रहन्छ ।

१२ आवेदकले भिसाबारे जानकारी पाउन ४ महिनासम्म लाग्न सक्छ । अनी ४ महिनासम्म पनि भिसा स्वीकृत हुन्छ नै भन्ने ग्यारेन्टी भने हुन्न ।

१३ यदी आवेदक जर्मनी वा सेङ्जेन मुलुकका राष्ट्रिय वा सार्वजनिक सुरक्षामा कुनै खतरा भएको ठहर भएमा भिसा आवेदन अस्वीकृत हुनेछ ।

१४ यदी भिसा अस्वीकृत भइहालेको खण्डमा भिसा अस्वीकृत हुनुको कारण समेत जानकारी गराइन्छ ।

१५ भिसा प्रक्रियाबारे आफ्नो चित्त नबुझेको खण्डमा आवेदकले कानूनी उपचार समेत खोज्नसक्ने अधिकार छ ।

१६ भिसा अस्वीकृत भएको खण्डमा भिसा आवेदन गर्दा तिरेको पैसा फिर्ता हुन्न ।

१७ विमानस्थलमा ओर्लिने बेला आवेदकको सक्कली कागजात चेकजाँचका लागि आवश्यक पर्नसक्छ ।

फेसबुकबाट तपाईको प्रतिक्रिया

ताजा समाचार

  • बुद्धमुर्ती तोडफोड प्रकरण: डिएसपीको होइन एआइजीको नेतृत्वमा छानबिन टोली गठन…
  • देश समाज र जनताको भावना बुझेर काम गर्ने एक मात्र…
  • रवि लामिछानेसहित तीनैजनासँग लिइयो बयान
  • पुडासैनी मृत्यु प्रकरण : निर्दोष नपरुन्, दोषी नछुटुन् – कांग्रेस
  • बजार अनुगमनमा नीजि क्षेत्रको चासो अधिकार पाएको स्थानीयतह भने बेखबर
  • वरिष्ठ नेता पौडेल भन्छन – ‘सरकारले राज्यकाे ढुकुटी कार्यकर्तालाई बाँड्याे’
  • नेप्से ७ अंकले उकालो लाग्यो
  • मानसरोवर गएकी एक भारतीय तीर्थयात्रीको म‍ृत्यु
  • दर्ता नै नभएका औषधि नेपाली बजारमा, कारवाही गर्ने विभागको चेतावनी
  • भक्तपुरमा रातभर जागे महाकाली, भैरव र नीलबाराही