पहिरो प्रभावितलाई शाइन रेसुंगा बैंकको सहयोग

२७ श्रावण २०७६, सोमबार ०   बिचार / प्रतिक्रिया
37 Shares


रुपन्देही । गुल्मीको सत्यवती गाउँपालिकाका पहिरो प्रभावितलाई शाइन रेसुंगा डेभलपमेन्ट बैंकले दुई लाख रुपैयाँ सहयोग गरेको छ । बैंक सञ्चालक समितिका अध्यक्ष राजेन्द्रप्रसाद श्रेष्ठ, प्रमुख कार्यकारी अधिकृत प्रकाश पौडेलसहितको टोलीले गाउँपालिका अध्यक्ष पारिश्वर ढकाल र पहिरो प्रभावित क्षेत्रका जनप्रतिनिधिलाई संयुक्तरुपमा चेक हस्तान्तरण गरेका हुन् । सामाजिक उत्तरदायित्वअन्तर्गत पहिरो प्रभावितहरुलाई सहयोग गरेको बैंकका प्रमुख कार्यकारी अधिकृत पौडेलले बताए । गाउँपालिकाका अध्यक्ष ढकालले सहयोगका लागि बैंकका कर्मचारीहरुलाई धन्यवाद दिए । गुल्मीको सत्यवती गाउँपालिका वडा नम्बर ३ ठूलो लुम्पेक र वडा नम्बर ४ लिम्घामा यही साउन महिनामा गएको पहिरोमा पुरिएर १३ जनाको मृत्यु भएको छ ।

फेसबुकबाट तपाईको प्रतिक्रिया