कारबाहीको क्रममा अफगानिस्तानमा ६० तालिबान लडाकू मारिए

३२ श्रावण २०७६, शनिबार ०   बिचार / प्रतिक्रिया
5 Shares


एजेन्सी –अफगानिस्तानको गोर प्रान्तमा अफगान सुरक्षा बलले करिब एक महिनासम्म गरेको सुरक्षा कारबाहीको क्रममा ६० जना तालिबान लडाकू मारिएका छन् । कारबाहीको क्रममा सुरक्षा बलले एक सयभन्दा बढी गाउँ पुनः कब्जामा लिएको प्रान्तीय प्रहरी प्रमुख वाहिदुल्लाह बताउनुभयो ।

गोर प्रान्तको प्रान्तीय राजधानी फिरोज कोहमा करिब एक महिना भएको सुरक्षा कारबाहीमा परी कम्तीमा ६० सशस्त्र तालिबान लडाकू मारिनुको साथै एक सय भन्दा बढी घाइते भएका थिए । सो सुरक्षा कारबाहीको क्रममा एक सय आठ वटा गाउँ तथा क्षेत्र पुनः सरकारको कब्जामा आएको निजामीले पुष्टि गरेका हुन् ।कारबाहीको क्रममा सुरक्षाबलतर्फको क्षतिको भने कुनै समाचार प्राप्त नभएको जनाइएको छ । तालिबानका प्रवक्ता जाबिउल्लाह मुजाहिदले गोर प्रान्तमा सुरक्षाबलले झडप भएको पुष्टि गरेका छन् । तर प्रान्तीय प्रहरी प्रमुखको दाबीलाई भने उहाँले अस्वीकार गर्नुभएको छ ।

फेसबुकबाट तपाईको प्रतिक्रिया