मानसरोवर गएकी एक भारतीय तीर्थयात्रीको म‍ृत्यु

२ भाद्र २०७६, सोमबार ०   बिचार / प्रतिक्रिया
3 Shares

प्रतिकात्मक तस्वीर

रसुवा – मानसरोवर यात्रा गर्न गएकी एक भारतीय महिला तीर्थयात्रुको लेक लागेर मृत्यु भएको छ । जिल्ला प्रहरी कार्यालयका प्रवक्ता गोकर्ण थापाका अनुसार मृत्यु हुनेमा भारतको प्रान्त नखुलेको ५५ वर्षीया अर्चना जयप्रकाश मिश्र हुन् । मानसरोवर जानेक्रममा चिनियाँ भूभागमा भदौ १ गते आइतबार उनको मृत्यु भएको हो ।

उनको शव सोमबार बिहान ११.२० बजे रसुवागढी नाकाबाट नेपाल भित्र्याइसकेकाले परीक्षणका लागि हेलिकप्टरद्वारा त्रिवि शिक्षण अस्पताल लाने तयारी भइरहेको प्रहरीले बताएको छ । यसअघि मानसरोवर जानेक्रममा गत साउन महिनामा लेक लागेर दुई भारतीय तीर्थयात्रीको मृत्यु भएको थियो । साउन १ गते भारतीय नागरिक ५९ वर्षीया स्वराज्यलक्ष्मी भल्लुरु र साउन ३० गते ५३ वर्षीय उन्नीहरि एैगाडीपारम्बील को मृत्यु भएको प्रहरीले जनाएको छ ।

फेसबुकबाट तपाईको प्रतिक्रिया