रक्सीले मातेपछी – ‘१५ महिने छोरा र श्रीमतीको शरीरमा तारपिन तेल हालेर आगो सल्काइदिए’

३ भाद्र २०७६, मंगलवार ०   बिचार / प्रतिक्रिया


धादिङ – २४ वर्षीया श्रीमती र १५ महिने छोराको शरीरमा तारपिनको तेल हालेर आगो लगाउने श्रीमान पक्राउ परेका छन् । सिद्धलेक गाउँपालिका–१ की बिमला दराई लम्साल र उनका १५ महिने छोरो जेनिसलाई सोमबार राति तारपिन तेल हालेर जलाउन प्रयास गर्ने २५ वर्षीय गणेश लम्साललाई प्रहरीले मंगलबार बिहान पक्राउ गरेको हो । घरको धन्सारमा भित्रबाट चुकुल लगाइ आमा छोरालाई लम्सालले रङ लगाउन प्रयोग हुने तारपिन तेल खन्याएर आगो सल्काएका थिए । घटनापछि छोरो बोकेर झ्यालबाट हाम फालेर ज्यान जोगाएकी बिमलाले पतिलाई हदैसम्मको कारबाही गराउन इन्सेक प्रतिनिधिसहित मानव अधिकारकर्मीहरुसँग आग्रह गरेकी छिन् ।

रक्सी खाएर आएपछि घरमा झगडा गरी घरभित्र लगेर मार्ने नियतले गणेशले आगो लगाएको स्थानीयले आरोप लगाएका छन् । आफूले बच्चा बोकेर प्रतिकार गर्न नसकेपछि झ्याल खोलेर भागेर बाँच्न सफल भएको घाइते बिमलाले बताइन् । घाइते बिमलाको गाउँबासीले उद्धार गरी जिल्ला अस्पतालमा उपचार भइरहेको छ । आगो लगाएर घाइते भएकी बिमलाको घाँटी, अनुहार, देब्रे हात, देब्रे खुट्टा र छातीमा गहिरोसँग पोलिएको छ । १५ महिने जेनिसको पेट, ढाड, देब्रे हात र देब्रे खुट्टामा पोलेको छ । गम्भीर घाइते भएका दुवैको जिल्ला अस्पतालले एकीकृत संकट व्यवस्थापन प्रणाली अन्तर्गत निःशुल्क उपचारको व्यवस्था मिलाएको जिल्ला अस्पतालमा सूचना अधिकारी कृष्णलाल श्रेष्ठले बताए । पक्राउ परेका श्रीमान गणेशलाई ज्यान मार्ने उद्योगअन्तर्गत मुद्दा अघि बढाइएको जिल्ला प्रहरी कार्यालयका सूचना अधिकारी प्रहरी नायब उपरीक्षक रुपक खड्काले बताए ।

फेसबुकबाट तपाईको प्रतिक्रिया



ताजा समाचार

  • डा. केसीका मागप्रति नेविसंघको ऐक्यवद्धता, जीवन रक्षाको माग
  • रुपन्देहीको सियारीमा लालपूर्जा वितरण
  • प्रदेश पाँचका रेडिमिक्समा १५० करोड लगानी
  • राप्तीमा स्वास्थ्यको वार्षिक समिक्षा पुर्ण उपलब्धिमा कोभिड १९ बाधक
  • वामी नमूना समाजको तेश्रो अधिवेशन जापानमा सम्पन्न
  • कोभिडबाट संक्रमण मुक्त भएकाले के–के कुरामा ध्यान दिनु पर्छ ।
  • बाढीले जिप बगाउँदा बेपत्ता भएका विद्युत प्राधिकरणका कर्मचारीको शव फेला
  • पाल्पामा पहिरोले घर पुरिँदा बेपत्ता भएकामध्ये तीनजनाको शव भेटीयो
  • चाडपर्वका बेला भारत आवतजावतमा रोक लगाइने
  • २० अर्बको विकास ऋणपत्र निष्काशन गर्दै नेपाल राष्ट्र बैंकले ,ब्याजदर…