‘दासढुंगा २’ लाई निर्माण इजाजत किन दिइएन ?यस्ता छन कारण

२२ भाद्र २०७६, आईतवार ०   बिचार / प्रतिक्रिया
62 Shares


काठमाडौँ –तत्कालीन नेकपा एमालेका महासचिव मदन भण्डारी र सङ्गठन विभाग प्रमुख जीवराज आश्रितको रहस्यमय दासढुंगा दुर्घटनामा आधारित भएर निर्माण भएको फिल्म ‘दासढुंगा’ प्रदर्शनको करीब एक दशकपछि यसको दोस्रो पार्ट निर्माण हुँदैछ । फिल्मको नाम ‘दासढुंगा स् च्याप्टर २’ राखिएको छ । कुमार भट्टराईले फिल्मको निर्देशन गर्दैछन् ।तर, नेपाली चलचित्रको सर्वोच्च संस्था चलचित्र विकास बोर्डले निर्माण इजाजत नदिँदा फिल्म निर्माण हुने वा नहुनेमा अन्योलता श्रृजना भएको छ । बोर्डले राय–सुझावका लागि फिल्मको कथासार मदन भण्डारी फाउन्डेसनलाई पठाएको छ । तर, फिल्म निर्माण अगावै सेन्सर हुनु अभिव्यक्ति स्वतन्त्रतामाथि राज्यले हस्तक्षेप गरेको निर्देशक भट्टराईको गुनासो छ ।

फिल्मले दासढुंगा हत्या हो कि दुर्घटना हो रु भन्ने प्रश्नलाई धेरै हदसम्म चिरफार गर्ने हुँदा मदन भण्डारी फाउन्डेसनले स्क्रिप्ट अध्ययन गरेपछि निर्माणका लागि इजाजत दिने अस्वीकृत गरेको चर्चा छ । तर, अहिलेसम्म बोर्डलाई फिल्मको निर्माण इजाजत दिने वा नदिने विषयमा फाउन्डेसनबाट कुनै पत्र नआएको विकास बोर्डका अध्यक्ष केशव भट्टराईले स्पष्ट पारेका छन् ।पोरखामा आयोजित ‘चलचित्र पत्रकारिता कार्यशाला’ मा पत्रकारको प्रश्नमा उनले भने, ‘फिल्मको निर्माण इजाजत मैले रोकेको होइन । उहाँहरुले चलचित्र विकास बोर्डमा फिल्मको कथासारसहित निर्माण इजाजतका लागि निवेदन दिनुभएको छ । म एउटा प्रक्रियामा छु । बाहिर उहाँ ९निर्देशक कुमार भट्टराई० ले आर्टिकल लेख्दै हिँड्नु भएको छ र त्यसको जवाफ दिन म आवश्यक पनि ठान्दिनँ ।’

सम्पूर्ण प्रक्रिया पूरा भएपछि फिल्मलाई निर्माण इजाजत दिइने उनले बताए । फिल्मको टिमलाई मिडियाबाजी नगर्न उनको आग्रह छ । उनले आफूले फिल्मको कथा अध्ययन गरेको र त्यहाँ मदन भण्डारी र जीवराज आश्रितको हत्यामा लगभग पुष्पकमल दाहाल ‘प्रचण्ड’, केपी शर्मा ओली, विद्यादेवी भण्डारी, माधव नेपालको हात रहेको भनिएको तर प्रमाणित नगरिएको बताए ।उनले अगाडि भने, ‘यदी कसैको विषयमा फिल्म बनाइन्छ भने सम्बन्धित व्यक्ति वा उसको परिवारको अनुमति लिन आवश्यक हुन्छ । बोर्डले पनि त्यही काम गरेको हो । मैले सहजिकरणका लागि मदन भण्डारी फाउन्डेसनलाई ‘यस्तो कथासार आएको छ योमाथि फिल्म बनाउन दिने कि नदिने’ भनेर लिखित रुपमा पत्र पठाएको छु । त्यहाँबाट कुनै जवाफ आएको छैन ।’‘दासढुंगा २’ को निर्माण अपिल विष्टले गर्दैछन् । यो फिल्मको पहिलो श्रृृंखला सन् २०१० मा प्रदर्शनमा आएको थियो, जसलाई मनोज पण्डितले निर्देशन गरेका थिए । ‘दासढुंगा २’ ले अघिल्लो संस्करणमा छुटेको कथा बोक्ने निर्माण पक्षले बताएको छ । चाप्टर २ मा ‘दासढुंगा’ का केही कलाकारहरु पनि दोहोरिनेछन् । भने, केही नयाँको प्रवेश हुनेछ । फिल्मका लागि कलाकारको लगभग टुंगो लागिसकेको छ ।

फेसबुकबाट तपाईको प्रतिक्रिया