नवलपरासीमा १९ बर्षिय युवतीलाई सामूहिक बलात्कार गर्ने ९ जना अभियुक्त पक्राउ

२४ भाद्र २०७६, मंगलवार ०   बिचार / प्रतिक्रिया
71 Shares


इमरान खान -नवलपरासी/जिल्ला प्रहरी कार्यालय पश्चिम नवलपरासीले १९ बर्षिय युवतीलाई सामूहिक बलात्कार गर्ने ९ जना अभियुक्तलाई पक्राउ गरेको छ । पश्चिम नवलपरासीको सुस्ता गाउँपालिका– वडा नम्बर तीन सेखुवानामा दश जना यूवाहरुको समूहले भदौ २२ गते घरबाट कामको शिलशिलामा जाँदै गरेकी एक यूवतीलाई डर त्रास देखाई भित्री सडक खण्डबाट तीन सय मिटर नजिकैको उखुबारीमा लगेर सामूहिक रुपमा जवरजस्ती करणी गरेको प्रहरीले जनाएको छ ।

ईलाका प्रहरी कार्यालय बेलाटारीबाट खटिएको प्रहरी निरीक्षक प्रकाश श्रीमल नेतृत्वको टोलीले घटनामा संलग्नहरु भागेर विभिन्न स्थानमा लुकिछिपी बसेका ९ जना अभियुक्तलाई पक्राउ गरेको हो । फरार एक जनाको पनि खोजि कार्य भईरहेको प्रहरीले जनाएको छ ।पक्राउ पर्नेमा सुस्ता–३ फेनहरा बस्ने वर्ष ४५ को सुरेन्द्र यादव, सोही ठाउँ बस्ने वर्ष २५ को मनमोहन राजभर, वर्ष २२ को शिवराज राजभर, वर्ष ३७ को भीमलाल मुसहर, वर्ष २२ को सन्दीप यादव, वर्ष २२ कै राजु मुसहर, वर्ष ४० को नेत्र चौधरी, वर्ष १९ को पिल्टु चौधरी, वर्ष १९ को अमरनाथ भेडिहार रहेको जिल्ला प्रहरी कार्यालय नवलपरासीका प्रहरी नायब उपरीक्षक वीरेन्द्र थापाले जानकारी दिनुभयो ।पक्राउ परेका सवैजना विरुद्ध जवरजस्ती करणी अन्तर्गत मुद्धा दर्ता गरी आवश्यक अनुसन्धान थालिएको उहाँले बताउनुभयो ।

फेसबुकबाट तपाईको प्रतिक्रिया