६१ वर्षीय काकाद्वारा ११ वर्षीया भतिजी बलात्कार

२५ भाद्र २०७६, बुधबार ०   बिचार / प्रतिक्रिया
30 Shares


बागलुङ– बागलुङमा ११ वर्षीया बालिकालाई आफ्नै काकाले बलात्कार गरी फरार भएका छन् । बालिकालाई बलात्कार गरी काठेखोला गाउँपालिका–५ का ६१ वर्षीय चन्द्रबहादुर सुनार फरार भएको जिल्ला प्रहरी कार्यालय बागलुङले जनाएको छ । बालिकालाई आर्थिक प्रलोभनमा पारी बलात्कार गरेको भन्दै पीडित पक्षले मङ्गलबार बागलुङ प्रहरीमा उजुरी दर्ता गरेपछि काकाद्वारा भतिजी बलात्कार गरेको रहस्य खुलेको हो ।  भदौ १५ गते तीजको दिन बालिकालाई सुनारले बलात्कार गरेका थिए ।

घटना गाउँमै लुकाउन खोजेको भए पनि प्रहरीकै सक्रियतामा बलात्कारको घटना बाहिर आएको हो । आर्थिक अवस्था कमजोर भएका कारणले उजुरी दिन सदरमुकाम आउन नसकेको भन्ने सूचनाको आधारमा प्रहरी पीडितकै घरमा पुगेर पीडित परिवारलाई सदरमुकाम ल्याएको बागलुङका प्रहरी उपरीक्षक नवराज भट्टले जानकारी दिए । ‘परिवारको आर्थिक अवस्था कमजोर भएकाले यहाँसम्म ल्याउने, घर पु¥याउने र सदरमुकाम बस्दा लाग्ने सबै खर्च सबै व्यवस्थापन गर्छौँ भनेर पीडितलाई कार्यालयमा झिकाएका हौँ’, भट्टले भने, ‘आर्थिक अवस्था कमजोर भएकै कारणले उजुरी दिनबाट वञ्चित गर्नुहुँदैन ।’ आरोपित सुनार फरार रहेको र उनको खोजी भइरहेको भट्टले जानकारी दिए । – रासस

फेसबुकबाट तपाईको प्रतिक्रिया

ताजा समाचार

  • राष्ट्रपतिज्यूद्वारा वाङ्मय शताब्दी पुरुष जोशीलाई चार लाख राशिको पृथ्वी प्रज्ञा…
  • अगरबत्ती धूवाँले हुनसक्छ ब्रेन ट्युमर तथा क्यान्सर , चुरोटको धूवाँभन्दा…
  • अन्तिमपल्ट भेट्न बोलाएर प्रेमिकाद्वारा प्रेमीको लिङ्ग छेदन
  • अब काठमाडौँमा भिक्षा माग्न नपाइने
  • बार एशोसिएसनको कार्यकारिणी परिषद बैठक बुटवलमा
  • रंगशालामा दर्शकमाथि बज्रियो प्रहरीको लाठी, पत्रकार पनि कुटिए
  • कोठाभित्र आमा–छोरीको शव फेला, बाहिरबाट ताला लगाएर हत्यारा फरार !
  • विश्व मानव अधिकार दिवसको अवसरमा प्रधानमन्त्री ओलीको शुभकामना सन्देश [पुर्णपाठ]
  • आजपनि घट्याे सुनचाँदीकाे भाउँ
  • दाङमा खरले छाएको घरमा आगलागी