फरक तरिकाले पार्टी चलाउने कंग्रेस अध्यक्ष सोनिया गान्धीको तयारी

२७ भाद्र २०७६, शुक्रबार ०   बिचार / प्रतिक्रिया
25 Shares

कंग्रेस आईकी अन्तरिम अध्यक्ष सोनिया गान्धी

बिबिसी – भारतको प्रमुख विपक्षी कंग्रेस आईकी अन्तरिम अध्यक्ष सोनिया गान्धीले पार्टीलाई फरक तरिकाले अघि बढाउने संकेत गरेकी छन् । पार्टीको बिहीबार बसेको बैठकले सोनियाले पहिलेका अध्यक्ष तथा आफ्ना पुत्र राहुलभन्दा फरक तवरबाट पार्टी चलाउने संकेत गरेकी हुन् । यस्तै उनले बैठकमा काश्मीर मामिलालाई सम्बोधन गर्ने संविधानको धारा ३७० खारेज गर्ने निर्णयबाट टाढा रहन आग्रह गरेकी छन् । उनले असममा थुप्रै मानिस नागरिकता सूचीबाट बाहिरिएको विषय तथा राम मन्दिरजस्ता विषयबाट पनि टाढा रहन आग्रह गरेकी छन् ।

सोनियाले कंग्रेसका सबै नेता कार्यकर्ता आर्थिक मन्दी, नोकरीको कमी तथा लगानीको अवस्था डगमागाइरहेको विषयमा केन्द्रित हुनुपर्ने जनाएकी छन् । उनले जुन विषयबाट टाढा रहन भनेकी छन्, ती विषयले कंग्रेसभित्रै ध्रुवीकरण हुन सक्ने अवस्था छ । सोनियाले कंग्रेस रोजी रोटीको मुद्दामा लाग्नुपर्ने जनाएकी छन् ।

उनले पार्टीमा ट्रेनिङ को-अर्डिनेटर नियुक्त गर्ने निर्णय पनि गरेकी छन् । सोनियाले घरघरमा गएर सदस्यता अभियान चलाउने विषयमा उठाएकी थिइन् । जसमा मुख्यमन्त्रीदेखि बुथ कार्यकर्तासम्मलाई सहभागी गराउने योजना बनाइएको छ । राहुल गान्धीले राजनीतिलाई आधुनिक दृष्टिबाट हेर्न खोजे पनि सोनियाले भने फरक ढंगले हेर्न खोजेको जस्तो पाइएको छ । बिहीबारको कंग्रेसको बैठकमा सोनियाको प्रस्तुतिलाई अन्य नेताहरुले चासोसाथ हेरेको पाइएको बीबीसीले समाचारमा जनाएको छ ।

फेसबुकबाट तपाईको प्रतिक्रिया



ताजा समाचार

  • नेकपा सचिवालय बैठकअघि बालुवाटारमा मन्त्रिपरिषद् बैठक
  • निर्माणाधीन गौतमबुद्ध अन्तर्राष्ट्रिय विमानस्थलको दोश्रो टर्मिनल भवन निर्माण सुरु
  • आजबाट रा.वा. बैंकको सनराइज क्यापिटलमा रहेको सवा ४ लाख कित्ता…
  • समृद्धि फाइनान्सको २००% हकप्रद असोज १६ बाट निष्कासन हुने, कहिलेसम्मका…
  • सहकारीमा पनि घट्ने भयो ब्याजदर, यस्तो छ नयाँ व्यवस्था
  • समीट र सजिलो लघुवित्तको एकीकृत कारोबार आजदेखि, साढे ३९ करोड…
  • बिपि बिचार राष्ट्रिय समाज रुपन्देहीको कार्यसमिति बिस्तार, सदस्यमा पोखरेल मनोनित
  • सतोगुण : संयमित, सन्तुलित र श्रेष्ठ जीवनका लागि
  • आज  मंगलबारको राशिफल
  • पाल्हीनन्दन गाउँपालिका अध्यक्ष गुप्तालाई लगाम लगाउन वडा अध्यक्ष एकजुट