गरिमाको ८३ औं शाखा बायँटारीमा

२८ भाद्र २०७६, शनिबार ०   बिचार / प्रतिक्रिया


गरिमा विकास बैंकले ८३औं शाखा वालिङ १३ झलुङ्गेमा शुभारम्भ गरेको छ । शाखाको शुक्रबार वालिङ नगर प्रमुख दिलिपप्रताप खाँणले शुभारम्भ गर्नुभएको हो । शाखा उद्घाटन गर्नुहुँदै नगर प्रमुख खाँंणले आर्थिक क्षेत्रलाई चलायमान बनाउनका लागि बैंक तथा वित्तीय संस्थाहरु स्थापना हुनुपर्ने बताउनुभयो ।नगर प्रमुख खाँणले बैंक तथा वित्तीय संस्थाहरु जति धेरै यस ठाउँमा भित्र्याउन सक्यो त्यति नै सेवाग्राहीलाई सहजता हुने बताउनुभयो । “यस ठाउँमा बैंक तथा वित्तीय संस्थाहरु स्थापना भएकैकारण यहीँका स्थानीयालाई सहजता हुनेछ” नगर प्रमुख खाँणले भन्नुभयो, “बैंक तथा वित्तीय संस्थाहरुको संख्या तथा कारोबार बढेसँगै यस क्षेत्रको आर्थिक गतिविधि चलायमान भएर जाने छ ।”
नगर प्रमुख खाँंणले यस क्षेत्रमा कृषि तथा पशुपालनमा रुचि राख्ने कृषक तथा पशुपाल्न ईच्छुकहरुलाई सहुलियत दरमा कर्जा प्रवाह गरी ब्यवसायिक अभिबृद्धिका लागि सहयोग गर्न पनि बैंक तथा वित्तीय संस्थाहरुलाई सुझाव दिनुभयो ।

 

 

कार्यक्रममा वडा नं। १३ का वडा अध्यक्ष आनन्द पाठक, वालिङ उद्योग वाणिज्य संघका अध्यक्ष शोभाकान्त पौडेल लगायतले यहाँका स्थानीयलाई आर्थिक कारोबारका लागि अन्यत्र जानुपर्ने अवस्था हटेर गएको बताउनुभएको थियो ।अध्यक्ष चन्द्रकान्त बरालको अध्यक्षतामा सम्पन्न कार्यक्रममा स्वागत प्रमुख कार्यकारी अधिकृत गोविन्द ढकाल, सञ्चालन कम्पनी सचिव मावधप्रसाद आचार्य र धन्यवाद सञ्चालक श्यामप्रसाद बस्यालले गर्नुभएको थियो ।बैंकको शाखा संख्या ८३ पुगेको छ भने वालिङमा मात्रै २ र स्याङ्जामा ७ शाखाहरु सञ्चालनमा रहेका छन् । २०६४ साल कार्तिक १ गते वालिङबाट बैंकले आफ्नो औपचारिक कारोबार शुरु गरेको थियो । अहिले बैंकको केन्द्रीय कार्यालय काठमाडौँको लाजिम्पाटमा रहेको छ । बैंकका कार्यकारी अधिकृत ढकालका अनुसार दशैँ अगाडि बैंकले विभिन्न स्थानमा ७ शाखा विस्तार गर्दै ९० पु¥याउनेछ भने चालू आर्थिक वर्षमा १०६ वटा शाखा पु¥याउने छ । बैंकले ३२ जिल्लामा शाखा सञ्चालन गरेको छ ।

 

फेसबुकबाट तपाईको प्रतिक्रिया



ताजा समाचार

  • अधिकारी दम्पित्तीको ब्यबसायीक रफ्तार : सु – सक्षम सप्लायर्सको शुभारम्भ
  • जनसम्पर्क समिति अमेरिकाको केन्द्रीय समितिमा मनोनयन ,दिवाकर वागचन्दको सभापतित्वमा न्यूयोर्क…
  • सिद्धार्थ राजमार्गको सिद्धबाबा नजिकै दुईजना सवार मोटरसाइकल खोलामा खस्यो
  • पाल्पामा मोटरसाइकल दुर्घटना, चालकको मृत्यु
  • पश्चिम नवलपरासीका बाढि डुवान क्षेत्रमा नेपाल र भारतका पदाधिकारी द्धारा…
  • कांग्रेसका नेता धितालको निधन तीनदिन सम्म रुपन्देहीमा पार्टिको झण्डा झुकाउने
  • विश्व हिन्दु परिषद नेपालद्वारा शुभकामना आदान प्रदान कार्यक्रम सम्पन्न
  • काँग्रेस सभापतिको उम्मेदवार बन्ने सुजाता कोइरालाद्वारा घोषणा
  • बाबुले गराइदिए छोराको चौरासी पूजा
  • भीरकोट जेसिजको सप्ताह ब्यापीकार्यक्रम भव्यताका साथ सम्पन्न