संविधान दिवसको अवसर पारेर क्यानडाको प्रान्तीय संसद भवनमा मनाइयाे ‘नेपाल डे’

४ आश्विन २०७६, शनिबार ०   बिचार / प्रतिक्रिया
44 Shares


टोरोन्टो – नेपालको संविधान दिवसको अवसर पारेर शुक्रबार क्यानडामा नेपालीहरुले ‘नेपाल डे मनाउँदै भ्रमण वर्षको प्रचार गरेका छन् ।टोरोन्टोको क्विन्सपार्कस्थित प्रान्तीय संसद भवनमा नेपाल डे मनाइएको हो । क्यानडाको प्रोगेसिभ कन्जरभेटिभ पार्टीको संसदीय दलको सभाहलमा आयोजित विशेष कार्यक्रममा स्थानीय सांसद तथा विभिन्न नेपाली संस्थाहरुका प्रतिनिधिहरुले नेपाल भ्रमण वर्ष २०२० लाई सफल पार्नमा जोड दिए ।गैरआवासिय नेपाली संघ एनआरएनए क्यानडाको अगुवाइमा भएको कार्यक्रममा एनआरएनए क्यानडाका अध्यक्ष चिरन्जिवी घिमिरेले विश्वकै सुन्दर देश नेपाल एकपटक भ्रमण गरिदिन आग्रह गरेका थिए । यस्तै क्यानडाका लागि नेपाली अवैतनिक महावाणिज्य दूत डा। कुन्जर शर्मा, कन्सर्न नेपालका संयोजक डा। तुल्सी धरेल लगायतले नेपालको संविधान र नेपालको वर्तमान अवस्थाका बारेमा संक्षिप्त जानकारी गराएका थिए ।

कन्जरभेटिभ पार्टीका सांसद दीपक आनन्दले सर्वोच्च शिखर सगरमाथा रहेको नेपाल विश्वकै सुन्दर देश भएकाले पनि एकपटक भ्रमण गर्न सबैलाई आग्रह गरे । आफू नेपाली समुदायसंग धेरै घुल मिल भएकाले पनि नेपालका विषयमा आफू जानकार रहेको भन्दै उनले नेपाल भ्रमण वर्ष २०२० सफल पार्न आफूले सक्दो सहयोग गर्ने प्रतिवद्धता जनाएका छन् ।एनआरएनए क्यानडाका महासचिव पिताम्वर भट्टराईले संचालन गरेको कार्यक्रममा नेपाली राष्ट्रिय गानले सभाहल गुन्जिदा स्थानिय संचारकर्मी र क्यानडेली पाहुनाले यसको संगीतलाई ध्यान दिएर सुनेका थिए । ब्राम्टन मिसिसागा क्षेत्रका सांसद दिपक आनन्दले नै नेपाल डे मनाउनका लागि सबै किसिमको प्रवन्ध मिलाइदिएका थिए ।

फेसबुकबाट तपाईको प्रतिक्रिया