स्वास्थ्यका लागि जमराका विविध फाइदा

२२ आश्विन २०७६, बुधबार ०   बिचार / प्रतिक्रिया
22 Shares


रिया भण्डारी –घटस्थापनामा राखिएको जमरा दशैँको टीकामा लगाउनुबाहेक खान पनि स्वास्थ्यको दृष्टिकोणले फाइदा हुने अध्ययनहरुले देखाएको छ । नेपालमा दशैँमा टीका लगाउने बेला प्रयोग गरिने जमरा अन्य देशमा खानामा सलादको रुपमा, जूसको रुपमा पनि प्रयोग गर्ने गरेको पाइन्छ । वैज्ञानिकहरूले जमरालाई क्यान्सर रोग उपचारको लागि प्रभावकारी औषधि बताउँदै आएका छन् ।विजयादशमी र जमरा नेपाली संस्कृति एवं परम्पराका परिपूरक शब्द हुन् । घटस्थापनाको दिन जौ छरेर विजयादशमीको दिन देवीको प्रसादको रूपमा जमरा लगाउने परम्परा हिन्दू धर्मावलम्बी नेपालीको मात्र हो । अन्य राष्ट्रका हिन्दूहरूमा यो परम्परा पाइँदैन । जमराले नेपालीको धार्मिक आस्था एवं सांस्कृतिक एकतालाई प्रतिबिम्वित मात्र गर्दैन स्वास्थ्यको दृष्टिले पनि जमराको ठूलो महिमा छ ।

जमराको रस नियमित सेवन गर्दा क्यान्सर, रक्तअल्पता, चिनीरोगलगायत विभिन्न समस्यामा राहत मिल्ने बिशेषज्ञको भनाइ छ । जमरामा पोलिफिनोल नामक सक्रिय तत्व पाइन्छ । उक्त तत्वले शरीरका विशेष प्रकारका प्रोटिनहरूको कामलाई बढाई इन्सुलिन निष्कासन गराउन सहयोग गर्ने काम गर्छ । यसले रगतमा रहेको ग्लुकोजलाई एक ठाउँबाट अर्को ठाउँमा पु¥याउने र ग्लुकोजलाई टुक्र्याउन पनि सहयोग गर्छ । जसले गर्दा रगतमा चिनीको मात्रा कम गर्ने अध्ययनबाट देखिएको छ । यसै गरी जमरामा भिटामिन ए, के, सी, ईका साथै थायमिन, कोलिन, लौहतत्व लगायत विभिन्न खनिज तत्व र एमिनो एसिड पाइन्छ । जमरालाइ आयुर्वेदले पनि रोग निरोधक मानेको छ ।कोलेस्टोरेल नियन्त्रक तत्व पनि जमरामा हुन्छ । क्यालिफोर्नियास्थित ला जोला विश्वविद्यालयले जमरामा पिफोर डी वान भन्ने तत्व हुने पत्ता लगायो । यसले शरीरलाई फुल्न र सुजन हुनबाट जोगानुका साथै डिएनएको संरक्षण गर्छ । जसले गर्दा कोषिकाको आयु लम्बिन्छ र बुढौली ढिला हुन्छ त्यसकारण दशैँमा टिका लगाउँदा मात्र जमरा प्रयोग नगरेर अरुबेला पनि जमराको रस बनाएर खाए स्वास्थ्यको दृष्टिकोण ले अत्यन्त फाइदाजनक हुन्छ । साभार :News24

फेसबुकबाट तपाईको प्रतिक्रिया

ताजा समाचार

  • बुटवलमा फागनु २१ देखि प्रथम प्रादेशिक घरेलु महोत्सव
  • मिडिया र मिडियाकर्मीमा रुपान्तरण जरुरी
  • कसरी आनन्दसँग यौन सम्पर्क गर्ने ?
  • प्रधानमन्त्रीलाई गगनको प्रश्न– आँखा नचिम्ल्याई प्रश्नको जवाफ दिने हिम्मत किन…
  • माथागढिमा कांग्रेसको अन्तर्कृया , ‘गाउँ जाउ गाउँमै रमाऔँ ,एक ब्यक्ती…
  • जुनियर युवा रेडक्रसको ४०औं राष्ट्रिय गोष्ठी सम्पन
  • कांग्रेसद्वारा फागुन १५ गते चितवन बन्द (बिज्ञप्ती)
  • नेपाली कांग्रेसका केन्द्रीय सदस्य धनराज गुरुङ लाई जिपी कोइराला फाउन्डेसन…
  • विप्लवनिकट विद्यार्थी संगठनद्वारा फागुन १४ गते शैक्षिक हड्ताल
  • अब विवाह गरेकी छोरीलाई पनि अंशबापत जग्गाजमिन दिने