भैरहवा-लुम्बिनी प्रेस क्लब सिद्धार्थनगर भैरहवाद्वारा आयोजित न्युज फेस्टिबल कार्यक्रमको तयारी तीब्र रुपमा अगाडि बढेको छ । अगामी मंसिर १,२ र ३ गते रुपन्देहीको लुम्बिनीमा हुन लागेको कार्यक्रमको तयारी तीब्र पारिएको आयोजकले जनाएको छ । नेपालका राष्ट्रिय पत्रिकाका सम्पादक, टेलिभिजन तथा अनलाइनका सम्पादकहरु त्था नेपालस्थित अन्तर्राष्ट्रिय मिडियाका प्रतिनिधिहरुको सहभागितामा बुद्ध जन्मस्थल लुम्बिनीमा हुने तीन दिवसीय न्युज फेस्बिटल भव्यताका साथ सम्पन्न गर्न लागिएको कार्यक्रम संयोजक दिपेन्द्र बडुवालले जानकारी दिए ।
कार्यक्रमलाई सफल बनाउन विभिन्न उपसमिति बनाएर जिम्मेवारी दिएको र सो समितिले आआफ्नो जिम्मेवार बहन गरिरहेको क्लबका अध्यक्ष हेमबहादुर पछाईले बताए । लुम्बिनीमा गर्न लागेको उक्त कार्यक्रमले देश विदेशमा लुम्बिनीको सन्देश फैलिनुका साथै उपत्यका केन्द्रित मिडिया मोफसलमा पनि चिनारीको रुपमा रहने र अतिथीहरुलाई बुद्धसर्किटको भ्रमण समेत गराउने गरि तयारी रहेको क्लबका तालिम समिति संयोजक पुनहरि बेल्बासेले बताए ।
थप समाचार
