काठमाडौं-इंग्ल्याण्डको एमसीसीविरुद्ध तीन वटा फर्म्याटमा क्रिकेट सिरिज खेल्ने नेपाली टोलीको घोषणा भएको छ ।नेपाल क्रिकेट संघ क्यानले टी–२० , एकदिवसीय र फस्टक्लास गरी तीन वटा फर्म्याटमा सिरिज खेल्ने नेपाली टोली घोषणा गरेको हो ।कार्तिक २० गतेदेखि प्रतियोगिता शुरु हुनेछ । नेपाली क्रिकेट टोलीका निवर्तमान कप्तान पारस खड्का एकदिवसीय खेल मात्रै खेल्ने भएका छन् ।
टी–२० मा कप्तान ज्ञानेन्द्र मल्ल र विनोद भण्डारी बाहेक अधिकांश युवा खेलाडी टोलीमा परेका छन् । त्यस्तै, एकदिवसीय टोलीमा वसन्त रेग्मी शरद भेषावकर र पारस खड्कासहितका अनुभवी खेलाडी टोलीमा छन् ।तीन वटै फरम्याटका लागि ज्ञानेन्द्र मल्लको कप्तानीमा टिम घोषणा गरिएको हो । २३ जना खेलाडीले तीन वटा फरम्याटको प्रतियोगिता खेल्दै छन् । तीन वटै फरम्याटमा खेल्ने खेलाडीको संख्या भने ८ रहेको छ ।तीनै फरम्याटमा खेल्ने खेलाडीमा ज्ञानेन्द्र मल्ल, आरिफ शेख, विनोद भण्डारी, करण केसी, ललित राजवंशी, सन्दिप लामिछाने, सोमपाल कामी, दिपेन्द्रसिंह ऐरी छन् ।खेलाडीहरुको सूची यस्तो छ
