खाद्य संस्थानको चामल गोदाममै थन्कियाे

१४ कार्तिक २०७६, बिहीबार ०   बिचार / प्रतिक्रिया
28 Shares


ओखलढुंगा-ओखलढुंगामा नेपाल खाद्य संस्थानले विक्रीबितरण गर्दै आएको चामल विक्री हुन छाडेपछि गोदाममै थान्किएको छ । व्यापारीहरूले सुलभ मूल्यमा गाउँगाउँमै चामल पुर्याउन थालेपछि नेपाल खाद्य संस्थान शाखा कार्यालय ओखलढुंगाले बिक्रीबितरण गर्दै आएको चामल बिक्न छाडेको हो ।संस्थानको चामल बिक्री हुन छाडेपछि गोदाममै थन्किएको छ । तराईबाट चामल खरिद गरेर ल्याउनुपर्ने र चामलको कुटानी खर्च समेत लाग्ने भएकाले लागतमा पनि वृद्धि हुने गरेको नेपाल खाद्य संस्थान शाखा कार्यालय ओखलढुंगाका प्रमुख रवनकुमार यादवले बताए । सरकारले बितरण गर्ने संस्थानको चामलको मूल्य बढेको र बजारमा उधारो कारोबार हुने भएकाले खाद्य संस्थानको चामलमा उपभोक्ताहरुको आकर्षण घटेको हो ।

केहि वर्ष पहिलेसम्म संस्थानमा चामल लिनेको लाइन लाग्ने गरेको भए पनि अहिले भने घट्दै गएको छ ।संस्थानले हाल दैनिक १ देखि १० बोरा सम्म मात्र चामल बिक्री गर्ने गरेको यादवको भनाई छ । जिल्लाका ग्रामिण भेगहरुमा स्थानीय सरकार सञ्चालनसंगै सडक सञ्जालले जेलिएपछि ब्यापारीहरुले गाँउगाँउमै चामल पुर्याउन थालेका छन् । गाउँघरबाटै उधारोमा चामल पाउने भएपछि संस्थानको चामल बिक्री हुन छाडेको संस्थानका प्रमुख यादवले बताए ।बाहिरी बजारमा भन्दा संस्थानको चामलको मूल्य बढी रहेको उपभोक्ताले बताएका छन् । चामलको मूल्य बढी भएको गुनासो गरेपछि मूल्य घटाउन खाद्य संस्थान ओखलढुंगाले केन्द्रिय कार्यलयमा पत्राचार समेत गरिएको कार्यलयले जनाएको छ ।news24

फेसबुकबाट तपाईको प्रतिक्रिया