सल्यानमा जिप दुर्घटना, दूईको मृत्यु, आठ घाइते

तुलसीपुर  –सल्यान जिल्लाको फलावाङदेखि दाङको तुलसीपुरतर्फ आउँदै गरेको रा १ ज ४६० नम्बरको जिप त्रिवेणी गाउँपालिका –४ बडाखोलामा दुर्घटना भएको छ । दुर्घटनामा दुई जनाको मृत्यु भएको छ ,भने आठ जना घाइते भएको जिल्ला प्रहरीले बताएको छ । मृत्यु हुनेमा सोही गाँउपालिका वडा नम्वर ४ फलावाङ बस्ने ५९ वर्षीया योगी थापा र ५४ वर्षीया कृष्णदेवी परियार रहेको राप्ती प्रादेशिक असपताल तुलसीपुरले जानकारी दिएको छ ।

त्यसैगरी दुर्घटनामा परी घाइते हुनेहरुमा जिप चालक फलावाङ बस्ने २८ वर्षीय सन्देश परियार, सोहि ठाउँ बस्ने २३ वर्षीया रिता रावत, ५ वर्षीया ज्योती रावत, ४ वर्षिया मोति रावत, ३२ वर्षीया सावित्रा खत्री, १६ वर्षीया तारा थापा, दाङको तुलसीपुर १ भमके बस्ने २१ वर्षीया राधा बोहोरा र तुलसीपुर ५ बस्ने २८ वर्षीया डिला बुढा रहेका छन् । घाइतेहरु मध्ये तीन जनाको कोहलपुर रिफर गरिएको छ भने पाँच जनाको राप्ती प्रादेशिक अस्पतालमै उपचार भइरहेको इलाका प्रहरी कार्यालय तुलसीपुरका प्रवक्ता चक्रडम्बर पालले जानकारी दिए ।