शुल्कको विषयलाई लिएरआन्दोलनरत विद्यार्थीमाथि हातपात, स्थिति तनावपूर्ण

६ मंसिर २०७६, शुक्रबार ०   बिचार / प्रतिक्रिया
23 Shares


काठमाडौं – शुल्कको विषयलाई लिएर विरगञ्जको नेशनल मेडिकल कलेजमा आन्दोलनरत विद्यार्थीमाथि हातपात भएपछि स्थित तनापूर्ण बनेकाे छ ।आन्दोलनरत विद्यार्थीमाथि सिनियर विद्यार्थीहरुले हातपात गरेपछि स्थिति तनावपूर्ण बनेको हो ।कलेजका एक विद्यार्थीका अनुसार एमबीबीएस प्रथम वर्षका विद्यार्थीले कलेजले बढी लिएको शुल्क फिर्ताको माग गर्दै कलेज प्रशासन अगाडि नाराबाजी गरेपछि कलेज संचालकले आफ्नो संरक्षणमा रहेका विद्यार्थी नै प्रयोग गरेर विद्यार्थीमाथि हातपात गराएका हुन् ।शुल्क फिर्ताको माग गर्दा सिनियर ब्याजका छात्रहरू लगाएर आफूहरूमाथि हातपात गरेको भन्दै आन्दोलनरत छात्राहरूले सुरक्षाको माग गरेका छन् ।

आफ्नै कलेजमा सुरक्षा नभएको भन्दै विद्यार्थीहरू जिल्ला प्रशासन कार्यलय पुगेको उनले जानकारी दिइन् ।उनले भनिन् ” विद्यार्थीहरूले हिजो शुल्क फिर्ताको माग गर्दै धर्ना बस्दा राति बजेसम्म होस्टल छिर्न दिइएन, शुल्क फिर्ताका लागि दवाव दिन विद्यार्थीले आज पनि धर्ना दिएका थिए, कलेज संचालकले आफ्नो संरक्षणमा राखेका विद्यार्थी परिचालन गरेर हामीमाथि हातपात गरे ।”राष्ट्रिय सतर्कता केन्द्रले गरेको अनुसन्धानमा नेसनल मेडिकल कलेजले एमबीबीएस भर्नामा विद्यार्थीसँग ३२ करोड ५५ लाख ९१ हजार ५ सय बढी रकम लिएको देखिएको छ ।सरकारले बढी शुल्क लिने मेडिकल कलेजलाई शुल्क फिर्ताको लागि कात्तिक २५ गते १५ दिनको अन्तिम समयसिमा दिइसकेको छ ।सरकारको अल्टिमेटम सकिनै लाग्दा पनि नेशनल मेडिकल कलेजले विद्यार्थीसँग लिएको बढी शुल्क फिर्ता नगरेको विद्यार्थीहरूको गुनासो छ ।

फेसबुकबाट तपाईको प्रतिक्रिया



ताजा समाचार

  • भारतीय मिडियाको उच्छृंखल सामाग्रीविरुद्ध नेपालले पठायो ‘प्रोटेस्ट नोट’
  • कार्यकर्तालाई प्रचण्डको आग्रहः कसैलाई राष्ट्रघाती र कसैलाई राष्ट्रवादी भन्दै नारा…
  • रुसमा कोरोना खोपको क्लिनिकल परीक्षण सफल
  • जनचासो, गुनासा र प्रभावकारी योजनाको लागि शुद्दोधनको सामाजिक परीक्षण
  • युग परिवर्तनका सम्वाहक युवा नै हुन् : कांग्रेस युवा नेता…
  • ग्रीका एयर कन्डिसन गुणस्तरीय भएकाले ग्राहकको पहिलो रोजाइमा
  • नेविसंघद्वारा आयल निगम घेराउ
  • रुपन्देहीमा लुम्बिनी मेट्रोसिटीले शुरु गर्यो सार्वजनिक यातायात सेवा
  • राजपुरमा जलीय जैविक विविधता संरक्षण समुह गठन
  • असफल खानेपानी आयोजना जिम्मा लिन नेकपाको ब्ल्याकमेलिङ