धरानको चुनावी प्रचारबाट देउवा सीधै ओलीलाई भेट्न अस्पतालमा

काठमाडौं – नेपाली काँग्रेसका सभापति शेरबहादुर देउवा प्रधानमन्त्री केपी शर्मा ओलीलाई भेट्न शिक्षण अस्पताल महाराजगञ्ज गएका छन् ।  धरानमा भएको चुनावी सभालाई सम्वोधन गरेपछि उनी सीधै काठमाडौं आएर ओलीलाई भेट्न गएका हुन् ।

ओलीलाई एपेन्डिसाइटिस भएपछि शल्यक्रिया गरिएको छ । उनको स्वास्थ्यमा सामान्य सुधार भइरहेको उनका प्रेस सल्लाहकार सूर्य थापाले बताएका छन् । देउवा उपत्यका बाहिरको चुनावी सभा सकेर काठमाडौं आएका हुन् । उनले बुधबार भक्तपुरमा हुने चुनावी सभालाई सम्वोधन गर्दैछन् । बुधबार राति १२ बजेपछि उपनिर्वाचनको मौनअवधि सुरु हुनेछ ।