तिलोत्तमा, २० मंसिर । नेपाल कम्युनिष्ट पार्टी (नेकपा) तिलोत्तमा वडा नम्बर ६ शाखा कमिटीले पार्टीका अगुवा कार्यकर्ता कृष्ण न्यौपानेको निधनमा शोकसभा सम्पन्न गरेको छ । पार्टीका पुर्व क्षेत्रीय कमिटी सदस्य न्यौपानेको निधन भएको सातौं दिनको पुण्य तिथीमा उहाँकै निबास तिलोत्तमा ६ मणिग्राममा ६ नम्बर शाखा कमिटीले शोकसभा गरेको हो । शाखा कमिटीका कार्यबाहक अध्यक्ष अनिल चापागाईंको अध्यक्षतामा भएको शोकसभामा बोल्दै पार्टी नेता एवं प्रदेशसभा सदस्य दधिराम न्यौपानेले स्वर्गीय न्यौपानेले राजनीतिक तथा सामाजिक क्षेत्रमा पु¥याएको योगदानको चर्चा गरेका थिए । उनले न्यौपाने पार्टी संगठन निर्माणमा खेलेको भूमिका महत्वपूर्ण रहेको भन्दै उहाँको निधनले पार्टीलाई क्षेति पुगेको बताएका थिए ।कार्यक्रममा नेकपा तिलोत्तमा नगर कमिटी अध्यक्ष मोहन चापागाईं, अनेरास्ववियु रुपन्देहीका अध्यक्ष लेखनाथ पौडेल, नेकपा शाखा कमिटीका सचिव दीपक पाठक लगायतले मन्तव्य व्यक्त गरेका थिए ।
थप समाचार
सुस्ताका सामुदायिक विद्यालयमा बिद्यार्थीको आकर्षण
