अमेरीकामा गाेली चल्दा बाल्टीमोर बस्दै आएकी वृन्दा गिरीको मृत्यु

६ आश्विन २०७५, शनिबार ०   बिचार / प्रतिक्रिया
80 Shares


होमप्रसाद लम्साल \

अमेरिका – अमेरिका मेरिल्याण्डको हार्डफोर्ड काउन्टीमा गोली चल्दा एक नेपालीसहित तीन अमेरिकी नागरिकको मृत्यु भएको छ भने एक नेपाली घाइते भएका छन्। अमेरिकाको बाल्टिमोर भन्दा ३५ माइल उत्तरपूर्व एबरडिनमा रहेको राइट एड कम्पनीको विरण केन्द्रभित्र गोली चल्दा पर्वत माइती भई कास्की घर भएकी हाल बाल्टीमोर बस्दै आएकी ४१ बर्षीया वृन्दा गिरीको मृत्यु भएको हो। स्थानीय पत्रकार गौतम दाहालले दिएको जानकारी अनुसार नेपाली नागरिक पूर्ण आचार्य घाइते भएका छन्।

घाइते आचार्यको स्थानीय अस्पतालमा उपचार भइरहेको प्रहरीले सार्वजनिक गरेको बिज्ञप्तिमा उल्लेख छ। बिज्ञप्तिमा आचार्यको अवस्थाबारे भने केही खुलाइएको छैन।

गत अप्रिलमा नेपालबाट आएकी मृत गिरीका श्रीमान विगत १० बर्षदेखि अमेरिकामा रहेका थिए। मृतक गिरीले भने सो कम्पनिमा काम शुरु गरेको जम्मा तीन हप्ता मात्रै भएको पत्रकार दाहालले जानकारी दिए।

कम्पनीको विरण केन्द्रमा संगै पार्ट टाइम काम गर्ने एक जना २६ बर्षीया महिला स्नोचीया मोज्लीले गोली चलाएको प्रहरीले जनाइएको छ। अरुलाई गोली हानेर हत्याराले आफैलाई पनि गोली हानेको बताइएको छ। हमलाकारी ती महिलालाई प्रहरीले घाइते अवस्थामा अस्पताल लागेको र अस्पताल मै मृत्यु भएको प्रहरीले जनाएको छ।

मृतक गिरीका १४ बर्षकी छोरी र ११ बर्षका छोरा छन्। मृतक गिरिका अमेरिकामा पति, आमा, दाजु, भाई र बुहारी रहेका छन्।

फेसबुकबाट तपाईको प्रतिक्रिया