अस्ट्रेलियामा तापक्रम ४० डिग्री सेल्सियस : डढेलो ‘नियन्त्रण बाहिर’

१५ पुष २०७६, मंगलवार ०   बिचार / प्रतिक्रिया


एजेन्सी – प्रचण्ड गर्मी भइरहेको अस्ट्रेलियामा आगो र डढेलोहरू नियन्त्रणभन्दा बाहिर जान थालेपछि त्यहाँको सबैजसो राज्यको तापक्रम ४० डिग्री सेल्सियस पुगेका विवरण प्राप्त भएका छन्। सोमवार सबैभन्दा खतरनाक आगो भिक्टोरिया राज्यमा फैलिएका थिए।आगो लागेका स्थानहरूमा अग्निनियन्त्रकहरूलाई स्वयंसेवकहरूले  थ दिइरहेका छन्।आगो नियन्त्रणभन्दा बाहिर जान थालेपछि प्रसिद्ध विदा गन्तव्य इस्ट गिप्सल्यान्डबाट पर्यटक तथा नगरबासीलाई सुरक्षित स्थानतर्फ जान आग्रह गरिसकिएको छ। त्यस क्षेत्रमा करिब ३० हजार मानिस बसोबास गर्छन्।तर वनमा लागेका आगो र डढेलो प्रमुख राजमार्गसम्मै आइपुग्दा मानिसहरूलाई सुरक्षित स्थानमा लैजाने कार्य निकै जोखिमपूर्ण बनिरहेको छ।अधिकारीहरूका अनुसार हावाहुरीका कारण आगोहरू तटीय क्षेत्रमा आइपुग्ने जोखिम बढेको छ।

आगो अनुमान गरिएभन्दा छिटो मानवबस्ती नजिक आइपुग्न थालेको बताइएको छ।मेलबर्न शहरदेखि १६ किलोमिटर उत्तरतिर पर्ने बन्डूरामा पनि आगोले जनधनलाई जोखिम पुर्‍याइरहेका विवरण प्राप्त भएका छन्।न्यू साउथ वेल्स राज्यमा आगो निभाउने काममा लागेका एक स्वयंसेवकको ज्यान गएको छ। तीव्र बेगको हुन्डरीमा ती व्यक्ति सवार ट्रक पल्टिँदा उनको ज्यान गएको र अन्य दुई घाइते भएको बताइएको छ।

दक्षिण अस्ट्रेलियाको एडेलेइड र तास्मानिया टापुमा पनि आगो निभाउने प्रयास जारी छन्। अधिकारीहरूका अनुसार सेप्टेम्बर महिनायता आगलागीसँग जोडिएका घटनामा परी दश जनाको ज्यान गइसकेको छ।मौसमविद्हरूको भनाइमा हिन्द महासागरमा उत्पन्न भएको डिपोल भनिने मौसमी अवस्थाका कारण अस्ट्रेलिया महादेशमा यो वर्ष अति नै बढी गर्मी भएको हो।

फेसबुकबाट तपाईको प्रतिक्रिया



ताजा समाचार

  • स्याङ्जाको धार्मिक स्थल प्रबर्द्धन गर्न भजन ( भिडियोसहित )
  • वामदेव गौतमले भने : जसले अध्यक्ष दिन्छ त्यतै जान्छु
  • गरिबीको अन्त्य गर्नु नै मुख्य काम : नगरप्रमुख अधिकारी
  • जीवन रक्षका लागि सहयोग गर्न अपिल
  • औद्योगिक विकासका लागि रुपन्देही उद्योग संघ र शुद्धोधन गाउँपालिकाबीच अन्तक्र्रिया…
  • महिला स्वास्थ्य स्वयमसेबिकाहरुलाइ प्रोत्साहन स्वरुप साइकल बितरण
  • अग्रज पत्रकार भट्टराईकाे नेतृत्वमा गठन भयाे रुपन्देहीमा प्रचार समिति
  • प्रधानमन्त्री ओलीद्वारा नेपालकै दोस्रो लामो पुलको उद्घाटन
  • विभाजित नेकपालाई आधिकारिक नमान्ने निर्वाचन आयोगको निर्णय
  • मुसिकोट नगरपालिकाले खानेपानीको क्षेत्रमा महत्वपूर्ण उपलब्धी हासिल गरिएको छ– नगरप्रमुख…