एक रुपियाँमा खाने, बस्ने सुविधा !

१७ पुष २०७६, बिहीबार ०   बिचार / प्रतिक्रिया


इलाम – भ्रमण वर्ष २०२० को अवसरमा पहिलोपटक इलाममा होटल बुक गर्न आइपुगेका पाँच जना पर्यटकलाई एक रुपियाँमा खाने बस्ने सुविधा दिइएको छ । पहिलोपटक होटल बुक गर्न आएका पाँच पर्यटकलाई भाग्यमानी पर्यटकका रूपमा स्वागत गरी एक/एक रुपियाँमा खाने बस्ने व्यवस्था गरिएको हो । इलाम बजारमा रहेका चियाबारी कटेज, हाम्रो पोखरेली होटल, ग्रिन भ्यु होटल, समिट होटल र ग्रिन सिटी गेस्ट हाउसले पर्यटकलाई उक्त सुविधा दिएका हुन् । पर्यटकलाई थप आर्कषित गर्न होटल एसोसिएसन इलाम, पर्यटन प्रर्वद्धन सरोकार समिति, इलाम नगरपालिकाले नगर पर्यटन समितिको पहलमा इलामका होेटलमा उक्त सुविधा दिइएको होटल एसोसिएसन इलामका अध्यक्ष देवी पौडेलले बताउनुभयो ।

इलाम आइपुग्नुभएका जापानी पर्यटक युकिड मितामुरा र चार जना नेपाली पर्यटकलाई स्वागत गरी इलामको पर्यटन सद्भावना दूतका रुपमा प्रमाणपत्रसमेत प्रदान गरिएको छ । लक्की पर्यटक घोषित भएपछि जापानी पर्यटक मितामुराले इलामले दर्शाएको आतिथ्यता आफ्नो देशमा बाँड्ने बताउनुभयो । इलाम आउने पर्यटकलाई लक्षित गरी इलामबाट काठमाडौँसम्म र काठमाडाँैबाट इलामसम्म आउने एक जना पर्यटकलाई शुभेच्छा ट्राभल्सले निःशुल्क टिकटको व्यस्था गरेको छ ।

पर्यटकले ढाके कन्याम र अन्तु इलाम अङ्ग्रेजी नयाँ वर्ष तथा नेपाल भ्रमण वर्षको पहिलो दिन बुधबार इलामका पर्यटकीय स्थल भारतीय तथा आन्तरिक पर्यटकले छपक्कै भएका छन् । विभिन्न कार्यक्रम गरी भ्रमण वर्षको उद्घाटन भइरहँदा इलामको कन्याम, श्रीअन्तुलगायतका पर्यटकीय स्थलमा भारतीय पर्यटक धेरै आएका छन् ।

घुम्नैपर्ने सय पर्यटकीय स्थलमा घोषणा भएको सूर्योदय नगरपालिकाको कन्याममा भ्रमण वर्षको पहिलो दिन चार हजारभन्दा बढी भारतीय पर्यटकले भ्रमण गरेका छन् । चिया बगानमा वनभोज खान, घोडचढी गर्न, विभिन्न जातजातिको पहिरनमा सजिन र प्राकृतिक सुन्दरतामा रमाउन भारतीय पर्यटक पशुपतिनगर नाकाबाट कन्याम आएका हुन् । सूर्योदय नगरपालिकाकी उपप्रमुख दुर्गादेवी भट्टराईले छिमेकी देश भारतबाट पर्यटक आउने क्रम बढेको बताउनुभयो ।

फेसबुकबाट तपाईको प्रतिक्रिया



ताजा समाचार

  • कालीगण्डकीमा नेकपामा पहीरो । युवाहरु सामुहीक रुपमा कांग्रेसमा प्रवेश
  • बरियारपट्टी गाउँपालिकाको सम्पुर्ण बिधालयहरु संचालनमा आए पछि : विद्यार्थीहरुमा खुशीयाली
  •  जोन ६३ को एडभाइजर कमिटीको प्रथम बैठक सम्पन्न
  • कञ्चन जेसिजको स्वास्थ्यका लागि खेलकुद प्रतियोगिता सम्पन्न
  • चाटर्स डेमा विभिन्न कार्यक्रम
  • करणी उद्योगको झुठ्ठा जाहेरी दिलाउने पक्राउ
  • ४ दिन पहिला परेको वर्षाले तरकारीका बोट नष्ट । जिल्लाका…
  • कपिलबस्तुको कृष्णनगर हुँदै भारततर्फ लाँदै गरेको साढे सात किलो लागूऔषध…
  • दोब्बर भाडा लिने सवारी प्रहरीे फन्दामा
  • विद्यालय खुलेसंगै स्वास्थ्य मापडण्डका वारेमा अनुगमन सुरु