सांसद वीरेन्द्र कनोडियालाई उखु किसानको भूक्तानी तिर्न कांग्रेसको निर्देशन

१८ पुष २०७६, शुक्रबार ०   बिचार / प्रतिक्रिया


काठमाडौं । नेपाली कांग्रेसले प्रदेश नम्बर ५ संसदीय दलका उपनेता वीरेन्द्र कनोडियालाई उखु किसानको भूक्तानी तिर्न निर्देशन दिएको छ । आज विहीबार बसेको केन्द्रीय कार्यसमिति बैठकले कनोडियालाई उखु किसानहरुको बाँकी रहेको भूक्तानी तत्काल उपलब्ध गराउन निर्देशन दिएको हो । पार्टी प्रवक्ता विश्वप्रकाश शर्माले कनोडिया सञ्चालक रहेको मिलले समेत उखु किसानको भूक्तानी नदिएको समाचारका सन्दर्भमा पार्टीको ध्यानाकर्षण भएको जानकारी दिनुभयो । कनोडिया महालक्ष्मी सुगर्सका सञ्चालक हुनुहुन्छ । यस्तै, कांग्रेस केन्द्रीय समिति बैठकले समाजवादी पार्टीसँग राष्ट्रियसभामा तालमेल गर्न छलफल थाल्ने निर्णय समेत गरेको छ । प्रवक्ता शर्माले सभापति शेरबहादुर देउवासँग समाजवादीका नेताहरुको भेटघाट भएको र राष्ट्रियसभामा तालमेल हुन सक्ने बताउनुभयो । पार्टीभित्र रहेको आन्तरिक किचलो धेरै दिन नरहने उहाँले दाबी गर्नुभयो । यता, संस्थापन इतर समूहको बैठकले भने यसअघिको केन्द्रीय समिति बैठकले गरेका १४ औं महाधिवेशन लगायतका निर्णय फिर्ता गर्नुपर्ने अडान दोहोयाएको छ ।

फेसबुकबाट तपाईको प्रतिक्रिया