मेलामा शनिबार मात्रै ७० हजार बढी दर्शकले अवलोकन गरे

१९ पुष २०७६, शनिबार ०   बिचार / प्रतिक्रिया


बुटवल –  वर्षातका कारण शुक्रबार रोकिएको बुटवलमा सञ्चालित औद्योगिक व्यापार मेला शनिबार भने निर्वाध रुपमा सञ्चालन भएको छ । शनिबार बिहानैदेखि मेला अवलोकनकालागि दर्शकको बाक्लो उपस्थिती रहेको थियो । दर्शकको बाक्लो उपस्थितीले मेला आयोजकलाई उत्साही बनाएको छ । शनिबार मात्रै मेलामा ७० हजार बढी दर्शकले अवलोकन गरेका छन् । बुटवल उद्योग बाणिज्य संघको आयोजनामा बुटवल उपमहानगरपालिका वडा नं. ११ देवीनगर भएको मेलाको १० औं दिन शनिबारसम्म ३ लाख ५० हजार भन्दा बढी दर्शकले मेलाको अलवोकन गरेको संघका अध्यक्ष तथा मेला कार्यसम्पादन समितिका संयोजक खिमबहादुर हमालले जानकारी गराउनु भयो । शनिबार मेलामा अवलोकन गर्नकालागि अत्यधिक दर्शक आएका कारण मेला स्थलमा प्रवेश गर्न समेत हम्मे हम्मे भएको थियो । दर्शकको सुविधाकालागि आयोजकले मेला स्थलमा राखिएका टिकट काउन्टर बाहेक पनि टिकट काट्ने व्यबस्था मिलाएको टिकट व्यबस्थापन उपसमितिका संयोजक नरिश्वर शर्मा पौडेलले जानकारी दिनुभयो ।

संघको आयोजनामा भएको २० औं संस्करणको औद्योगिक व्यापार मेलामा दर्शकको उल्लेखनीय उपस्थितीले स्टलधनी पनि खुसी भएका छन् । शनिबार मेलामा लोक तथा दोहोरी गायक शिव हमाल, दिपक गरौंजा, सीता केसी, चेतना थापा, चन्दा अर्याल, सुशिला गौतम, आरती रुचाल, डिला बिक तथा नारायण खनाल लेकालीको प्रस्तुती रहेको थियो भने शनिबारदेखि नै सुरु भएको रत्यौली प्रतियोगितामा ८ टिमको प्रस्तुती रह्यो।
त्यस्तै सांस्कृतिक कार्यक्रम तर्फ नै लोक तथा दोहोरी गीत प्रतियोगिता, आधुनिक तर्फ भ्वाईस अफ बुटवलमा टप ७ मा छनौट भएका प्रतिस्पर्धी कलाकारहरुको प्रस्तुती रहेको थियो । भोली आईतबार लोक तथा दोहोरी गायक कुलेन्द्र विश्वकर्मा, निता पुन, पुरुषोत्तम पौडेल, अमृता नेपाली, नन्दु परियार, हास्य कलाकार सिताराम कट्टेल (धुर्मुस) को प्रस्तुती रहने छ । त्यस्तैगरी आधुनिक तर्फ भ्वाईस अफ बुटवल र रत्यौली प्रतिगोगितामा प्रस्तुती बाँकी रहेका ७ टिमको प्रस्तुती रहने छ । यस क्षेत्रमा पहिलो पटक सञ्चालन गरिएको रत्यौली प्रतियोगितामा १५ टिम सहभागि छन् ।

फेसबुकबाट तपाईको प्रतिक्रिया



ताजा समाचार

  • ललितपुर महानगरपालिकाका मेयर चिरिबाबु महर्जनलाई कोरोना संक्रमण
  • डा. केसीका मागप्रति नेविसंघको ऐक्यवद्धता, जीवन रक्षाको माग
  • रुपन्देहीको सियारीमा लालपूर्जा वितरण
  • प्रदेश पाँचका रेडिमिक्समा १५० करोड लगानी
  • राप्तीमा स्वास्थ्यको वार्षिक समिक्षा पुर्ण उपलब्धिमा कोभिड १९ बाधक
  • वामी नमूना समाजको तेश्रो अधिवेशन जापानमा सम्पन्न
  • कोभिडबाट संक्रमण मुक्त भएकाले के–के कुरामा ध्यान दिनु पर्छ ।
  • बाढीले जिप बगाउँदा बेपत्ता भएका विद्युत प्राधिकरणका कर्मचारीको शव फेला
  • पाल्पामा पहिरोले घर पुरिँदा बेपत्ता भएकामध्ये तीनजनाको शव भेटीयो
  • चाडपर्वका बेला भारत आवतजावतमा रोक लगाइने