आँखो फुट्ने गरी शिक्षकले विद्यार्थीलाई कुटेपछी ‘

२० पुष २०७६, आईतवार ०   बिचार / प्रतिक्रिया
27 Shares


सबलपोष्ट । रुपन्देहीको सम्मरीमाई गाउंपालीका ६ स्थित ज्ञानदीप बोर्डिङ स्कुलमा एक विद्यार्थी कुटीएका छन् । कम्प्युटर विषयको गृहकार्य नगरेपछि उनलाई विषयगत शिक्षक शैलेन्द्र बरईले गम्भिर घाइते हुनेगरी कुटेका थिए । कुटाईपश्चात बालकलाई भैरहवास्थित युनिभर्सल कलेज अफ मेडिकल साइन्सेजमा उपचारका लागि लगिएको थियो । राती अबेरसम्म बालक घर नआएपछि छिमेकीका बालबालीकाले चोट लागेर अस्पताल लगेको जानकारी परिवारलाई दिए । परिवारले प्रधानाध्यापक सुरेन्द्र बर्रीलाई फोन गरेर बालकको बारेमा सोधे । सुरेन्द्रले हल्का चोट लागेकाले उपचार गरी घर ल्याउंदै गरेको जानकारी दिए । कक्षा ५ मा अध्ययनरत मोहम्मद तफीक देवानले गृहकार्य नगरेको भन्दै कुटाई खाएपछि अस्पतालमा उपचार गर्नुपरेको हो । घरमा आएपछि देवानले शिक्षकले बांया खुट्टा , आंखा र हातमा नराम्ररी कुटेको बताए । उनको आंखा फुल्लींदै गएपछि गम्भिर तरिकाले कुटेको थाहा भयो । बुधवार भएको यो घटना अभिभावक र विद्यालयले मिलान गर्न खोजेको थियो । तर इलाका प्रहरी कार्यालय मर्चवारको फलोअपपछि परिवारले उजुरी दिन गएको र फरार भनिएका शिक्षकलाई आइतवार पक्राउ गरिएको प्रहरी निरिक्षक पोषणराज ढकालले बताए । बलक देवान र उनका अभिभावकले मुद्धा दर्ता गराएका छन् । बालक देवान डराएको र उनलाई सामाजिक मनोविमर्शको आवश्यकता पर्ने मानवअधिकारकर्मी रिमा बिसीले बताइन् । उनले आफु बालकसंग भेटेको र उसको चोट गम्भिर रहेकाले बालक डराएको अवस्थामा देखिएको जनाइन् । यसरी बालबालीकामाथि कसुर गर्नेलाई कानुनसंवत कडा कारवाही हुनुपर्ने उनले बताइन् । बालक देवानका हजुरबुवा मोहम्मद हुसेन देवानले प्रहरीमा मुद्धा दर्ता गराएको र शिक्षकलाई कारवाही र बच्चाको क्षतीपुर्तीको माग गरिएको बताए ।फोटो साभार ईन्सेक

फेसबुकबाट तपाईको प्रतिक्रिया



ताजा समाचार

  • देउवाले गरे जनसम्पर्क समिति समन्वय विभाग विस्तार “नामावलीसहित”
  • बंगलादेशबाट मल ल्याउन भारतले सहयोग गर्ने
  • गुल्मीमा कांग्रेस र प्रहरीबीच झडपः पार्टी सभापतिसहित ६ जना घाइते
  • पश्चिम नवलपरासीमा ५४ जनामा कोरोना पुष्टि
  • कांग्रेसको प्रश्‍न : ‘गृहमन्त्रीजी के हुँदैछ गुल्मीमा ?’
  • अध्यात्म ज्ञान : आफ्नो वास्तविक स्वरूपलाई कसरी चिन्ने ?
  • साँक्षि संरक्षण र घटनास्थल सुरक्षा सम्वन्धि अभिमुखिकरण
  • बुटवल उद्योग बाणिज्य संघको साधारण सभा तथा अधिवेशन यहि असोजमा…
  • गणेशमान सिंह स्मृति पुस्तकालय रुपन्देहीको सप्ताहव्यापी भर्चुअल अन्तरसम्बाद कार्यक्रम सम्पन्न
  • सारथी नेपाल लघुवित्तले एफपीओ निश्कासन गर्ने