लेकपोखरामा माघेसक्रान्ति मेला हुदैँ

२३ पुष २०७६, बुधबार ०   बिचार / प्रतिक्रिया
253 Shares


मनोज कार्की/गुल्मी –  मालिका गाउँपालिकाको समृद्धिको रुपमा रहेको जिल्लाकै मालिका गाउँपालिका वडा नं ५ छापहिले लेकपोखरी क्षेत्रमा यस बर्ष पनि माघेसक्रान्ति मेला हुने भएको छ । बिगतका बर्षहरुमा जस्तै यस बर्ष पनि पौष २९ र माघ एक गते माघेसक्रान्ति मेला हुने भएको लेकपोखरा माघेसक्रान्ति मेला ब्यबस्थापन समिति अध्यक्ष रेखा कुमार जि.सिले बताएका छन् ।

मालिका गाउँपालिकाकै समृद्धिको रुपमा हेरिएको लेकपोखरा जिल्लाकै एक महत्वपुर्ण पर्यटकिय स्थल हो । यस बर्षको लेखपोखरमा मेलामा कृषि पर्दशनी , पन्चेबाजा, स्थानिय भजन तथा राष्ट्रिय साथै स्थानिय कलाकारको सहित सांस्कृतिक कार्यक्रम गरिने भएको छ ।

लेकपोखरामा रहेको पोखरी चिम्टाले खनेको र पोखरीमा नेपालका चारधामको जल मिसाईएकोले पोखरीको पानीले नुहाउने तथा पिउने गरेमा पाप नष्ट हुने धार्मिक बिश्वास रहदैँ आएको छ । यस बर्ष राष्ट्रिय स्तरका कलाकार श्रीस देबकोटा, लक्ष्मण खड्का , हरिमाया रायमाझि आउने भएका छन् । छापहिलेमा रहेको लेकपोखरी क्षेत्र माघे सक्रान्ति मेलाको लागि जिल्लाको रुरु क्षेत्रपछिको चर्चित क्षेत्रको रुपमा लिने गरिन्छ ।

फेसबुकबाट तपाईको प्रतिक्रिया