चलचित्र संघको अध्यक्षमा मधुसुदन प्रधान

२७ पुष २०७६, आईतवार ०   बिचार / प्रतिक्रिया
6 Shares


काठमाडौं – नेपाल चलचित्र संघको नयाँ नेतृत्वका लागि अध्यक्ष पदमा मधुसुदन प्रधान अध्यक्ष पदमा चयन भएका छन् । बुधवार संघको ४६ औँ वार्षिक साधारणसभाबाट नयाँ कार्यसमिति चयन गरिएको हो । संघको ३ वर्षे कार्यकालमा प्रधानले डेढ वर्ष र वीरेन्द्र नारायण श्रेष्ठले डेढ वर्ष चलाउने गरी अध्यक्ष चुनिएको हो । संघको अध्यक्ष पदमा प्रधान र श्रेष्ठले उम्मेदवारी दिएका थिए । दुवैले आधा आधा कार्यकाल सम्हाल्ने सहमति गरेका हुन् । यस्तै साधारणसभाबाट अशोक शर्मा, गोपालकाजी कायस्थ, भाष्कर ढुङ्गाना, अर्जुन श्रेष्ठ, गोविन्द बहादुर शाही, कपिलप्रसाद द्वा, विक्रम पराजुली, देवेन्द्र खड्गी, कुबेर शर्मा, निरज कार्की, कैलाश ढकाल, त्रिरत्न मानन्धर, निरज गुप्ता सदस्यमा चयन भएका छन् ।

साधारणसभाले पुर्वाञ्चल सभापतिमा चैतन्य बराल, मध्यसुदुर पश्चिम सभापतिमा डा। सिंह गुरुङ, पश्चिमाञ्चल सभापतिमा ओम जैसी र उपत्यका सभापतिमा मदनमान बज्राचार्य चयन गरेको छ । ‌कार्यक्रममा सञ्चारमन्त्री गोकुल बाँस्कोटा, काठमाडौं महानगरपालिकाका मेयर विद्यासुन्दर शाक्य लगायत उपस्थित थिए । यस्तै कार्यक्रममा सञ्चारमन्त्री बाँस्कोटाले चलचित्र आफ्नो धारणा राखेका थिए ।

फेसबुकबाट तपाईको प्रतिक्रिया