सीडीओेमार्फत सरकारलाई देशभरबाट काँग्रेसको विरोधपत्र

५ माघ २०७६, आईतवार ०   बिचार / प्रतिक्रिया


काठमाडौं – प्रमुख विपक्षी नेपाली काँग्रेसले सूचना प्रविधि र विशेष सेवा विधेयक सच्याउन माग गर्दै सरकारलाई देशभरबाट विरोधपत्र पठाएको छ । काँग्रेस जिल्ला कार्यसमितिहरुले प्रमुख जिल्ला अधिकारीमार्फत सरकारलाई विरोधपत्र बुझाएका हुन् । पुस १७ गते बसेको काँग्रेस केन्द्रीय कार्यसमितिको बैठकले सूचना प्रविधि विधेयक तथा नेपाल विशेष सेवा गठन र सञ्चालनसम्बन्धी कानुलाई संशोधन र एकीकरण गर्न बनेको विधेयकले संविधानप्रदत्त नागरिक अधिकार हनन हुने निष्कर्ष निकाल्दै ७७ जिल्ला प्रशासन कार्यालयमार्फत सच्याउन माग गर्दै पुस २८ गते सरकारलाई ज्ञापन पत्र बुझाउने निर्णय गरेको थियो ।

केन्द्रीय कार्यसमितिले तय गरेको मितिमा विरोधपत्र बुझाउन असम्भव भएपछि शुक्रबार बसेको संसदीय दलको बैठकले आइतबार बुझाउने निर्णय गरेको थियो । सोही अनुसार आज काँग्रेस जिल्ला कार्यसमितिहरुले विरोधपत्र बुझाएका हुन् । काठमाडौं काँग्रेस जिल्ला कार्यसमतिका नेता कार्यकताले माइतीघर मण्डलाबाट जुलससहित जिल्ला प्रशासन कार्यालय पुगेर विरोधपत्र बुझाए । पार्टी प्रवक्त विश्वप्रकाश शर्माले सबै जिल्ला कार्यसमितिले विरोधपत्र बुझाइ सकेको बताए ।

सूचना प्रविधि विधेयकमा सामाजिक सञ्जालमा कसैलाई निरन्तर जिस्क्याए ५ वर्षसम्म जेल वा १५ लाखसम्म जरिमाना वा दुवै सजाय हुन सक्नेसम्म व्यवस्थाको काँग्रेसले विरोध गरेको छ । यस्तै विशेष सेवा विधेयकमा अदालतको अनुमति नलिइ फोन ट्यापिङ गर्नसक्ने लगायतका प्रावधान सच्याउनु पर्ने काँग्रेसको माग छ ।

फेसबुकबाट तपाईको प्रतिक्रिया



ताजा समाचार

  • नवीन औद्योगिक कदर बहादुर रीता मा.वि. द्वारा मंगलबार नव आगन्तुक…
  • त्रिभुवन विश्वविद्यालय अन्तर्गत वी.ए. पहिलो वर्ष, अँग्रेजी विषयको परिवर्तित पाठ्यक्रमको…
  • आज थप ३०९३ जनामा कोरोना संक्रमण पुष्टि
  • खाद्य स्वच्छता तथा मासुजन्य पदार्थ विक्री बितरण सम्बन्धी छलफल
  • केक काटेर होइन सामाजिक काम गरेर मनाउनु पर्छ जन्मदिन :…
  • नेपाल विद्यार्थी फोरम (लोकतान्त्रिक) को पूनर्गठित कार्यसमितिको नाम सार्वजनिक, सभापतिमा…
  • कोरोना संक्रमितप्रति जिम्मेवार बन्दै तिलोत्तमा ,शव व्यवस्थापनको जिम्मादेखि निःशुल्क पिसिआर…
  • मिलन र बिछोडको दोसाँध बैगुनी २ बजारमा
  • आहत मा राहत कार्यक्रम लाई बुद्धि सुवेदीको सहयोग,
  • एनआरएनए स्पेन द्वारा स्वर्गिय भबिस्यता न्यौपानेको परिवारलाई आर्थिक सहयोग हस्तान्तरण