जेष्ठ नागरिकको उत्कृष्ट स्याहार सुसार गर्ने सन्तानलाई सम्मान तथा पुरस्कार

८ माघ २०७६, बुधबार ०   बिचार / प्रतिक्रिया
4 Shares


तिर्थराज ज्ञवाली/ दाङ –  आफ्ना अभिभावक तथा घरका जेष्ठ नागरिकको उत्कृष्ट स्याहार सुसार गर्ने ३५ सन्तानलाई राप्ती गाउँपालिकाले सम्मान तथा पुरस्कृत गरेको छ । आफ्ना आमा बावु, सासु ससुरा, बाजे बजैको उचित पालन पोषण, रेखदेख, स्वास्थ्य उपचार तथा सम्मान पुर्वक संरक्षण गरेका सन्तानहरु मध्य वडा गत रुपमा उत्कृष्ट पालल पोषण गर्दै आएका परिवारलाई सम्मान गरिएको हो । जेष्ठ नागरिकको सम्मान, संरक्षण तथा लालनपालनमा विशेष सबैको ध्यान पुगोस भन्ने उदेश्यका साथ अग्रजहरुको सम्मानका लागि राप्ती गाउँपालिकाले प्रथम चरणमा उत्कृष्ट स्याहार सुसार गर्ने ३५ परिवारलाई सम्मान तथा पुरस्कृत गरेको र आगामी दिनमा अन्य परिवारलाई समेत सम्मान गरिने कार्यक्रममा जानकारी गरिएको छ ।

जेष्ठ नागरिक प्रतिको सम्मान, स्वीकार तथा लालनपालनमा विक्रिति विसंगति देखीन थालेकोले समाजमा आफ्ना अग्रज पुर्खाको उचित संरक्षणमा उत्साह थप्ने उदेश्यले राप्ती गाउँपालिकाले जेष्ठ नागरिकहरुलाई विशेष न्यानोकपडा, सहायक सामाग्री समेत प्रदान गरिसकेको छ । बुधबार राप्ती गाउँपालिका उपाध्यक्ष जगदम्वा कुमारी चौधरीको अध्यक्षतामा भएको जेष्ठ नागरिकलाई स्याहार सुुसार सम्वन्धि प्रोत्साहन पुरस्कार वितरण कार्यक्रममा राप्ती गाउँपालिका वडा नं १ का आफ्नो घरका जेष्ठ नागरिकको राम्रो स्याहार गर्ने जिवन खाति पुल्चोक, रमेश राना मगर भालुवाङ मेघराज न्यौपाने शान्तिपुर, र पाखापानीका स्यामलाल पोख्रेल लाई गाउँपालिकाले सम्मान गरेको हो ।
त्यसैगरि वडा नं २ बराखुटिका ऋषिराम गीरी, कठाहाका अनुप चौधरी, मुत्तिनगरकी जानकी चौधरी, रामनगर की तारी कुमाल, वडा नं ३ बाघढड्डीका महेन्द्र बेलबासे, प्रेम प्रकास चौधरी, मसुरीयाका गाृविन्द अधिकारी, वडा नं ४ सुन्दरपुरकी सीता शर्मा, जनकपुरकी रामकृष्णी चौधरी, खिनैटाकी लक्ष्मी मल्ल, मझनिगढकी सुसीला महरा, वडा नं ५ सिसहनियाका मनिराम चौधरी, पहरुवाका गोकर्ण पौडेल, सिसहनियाकै स्यामा रावत, राम प्रसाद चौधरी, वडा नं ६ बगरापुरकी राम देवाली चौधरी, पत्थरगढवाकी सुनिता चौधरी, मझेरीयाकी राज कुमारी चौधरी, सगरापुरकी अम्वकिा पुरी, वडा नं ७ छोट्की सिसहनियाका विश्वम्भर ज्ञवाली, चुमादेवि ज्ञवाली, रामदास चौधरी, अर्नाहनपुरका शुनिल कुमार चौधरी, भानपुरका रामचन्द्र अधिकारी, वडा नं ८ पीपरीका ललीत चन्द्र चौधरी, दुर्गा भट्राई, नारायणी चौधरी, विजौरीका प्रकाश पौडेल, वडा नं ९ रुपमाकोटका कालु कामी, ताम बहादुर खैकला, बाहुरी पाटाका भेष बहादुर कार्की, घोषखोलाका विरेन्द्र बहादुर कार्की लाई राप्ती गाउँपालिकाले सम्मान तथा पुरस्कृत गरेको हो ।

पुरस्कृत र सम्मान पश्चात कार्यक्रममा बोल्दै आफ्नो परिवारको कर्तब्य पुरा गर्दै जादा स्थानिय सरकारले थप उत्साहका लागि पुरस्कृत र सम्मान गर्दै थप जिम्मेवारी समेत प्रदान गरेकोमा सम्मान प्राप्त गर्ने अनुप चौधरी, ऋषिराम गीरी, स्यामा रावतले स्थानिय सरकारलाई हरेक नागरिकको रेखदेखमा चासो गरेकोमा धन्यवाद ब्यक्त गर्नु भएको छ ।

जेष्ठ नागरिकलाई स्याहार सुुसार सम्वन्धि प्रोत्साहन पुरस्कार वितरण कार्यक्रममामा राप्ती गाउँपालिकाका निमित्त प्रमुख प्रशासकिय अधिकृत महेश अधिकारी, प्रबक्ता विद्याशरण चौधरी, नेपाल कम्युनिष्ट पार्टि नेकपाका धर्मराज अधिकारी, नेपाली काग्रेशका दुर्योधन पाण्डे, राष्ट्रिय जनमोर्चाका केशव खनाल, वडा अध्यक्ष चन्दर चौधरी, गोकर्ण बहादुर राना, महिला तथा बालबालिका शाखा प्रमुख जिवन कुमारी जिसीले आफ्ना अग्रजको उचित स्याहार सुुसार गर्ने परिवार जन प्रति धन्यवाद प्रकट गर्नुभएको थियो । राप्ती गाउँपालिकाको छिटैनै बाबु आमा नभएका बालबालिकाको उचित स्याहार सुसारका लागि समेत कार्यक्रम संचालन गर्ने योजना रहेको महिला तथा बालबालिका शाखा प्रमुख जिवन कुमारी जिसीले जानकारी दिनुभएको छ ।

फेसबुकबाट तपाईको प्रतिक्रिया



ताजा समाचार

  • बुटवल देविनगर मनकामना पथमा आगलागी
  • कोरोनाको प्रभाव कम गर्न संगित सिक्न व्यस्त छन् स्याङ्जाका बिद्यार्थी…
  • नवलपरासीमा लागुपदार्थ विरुद्ध सरोकारवालासँग अन्तरक्रिया कार्यक्रम सम्पन्न
  • लियो क्लव अफ कञ्चनको प्रशिक्षण
  • मैत्रिपुर्ण ब्याडमिन्टन प्रतियोगीतामा मनिश र शेर बहादुरको टिम विजयी
  • उपभोक्ता समिति गठन तथा योजना संचालन सम्वन्धि अभिमुखीकरण
  • संविधान दिवस र कार्यान्वयनको अवस्था
  • मुख्य मन्त्रि शंकर पोख्रेलद्धारा  कुलपानी क्षेत्रको अवलोकन
  • कोरोनाका कारण बर्दघाट नगरपालिकामा अत्यावस्यक बाहेकका सम्पुर्ण सेवा बन्द
  • गल्याङ नगरपालिकाको विकासका लागि बृहत गुरुयोजनाको तयारी