‘नाईं नभन्नू ल ६’ मा अनुभव र सेड्रिनाको जोडी एकसाथ् 

१६ माघ २०७६, बिहीबार ०   बिचार / प्रतिक्रिया


काठमाडौँ /सर्वाधिक सिक्वेलको कीर्तिमान राखेको विकासराज आचार्य निर्देशित फिल्म ‘नाईं नभन्नू ल’ को छैठौं सिरिज निर्माण हुने भएको छ । चैतबाट छायांकन सुरु हुने फिल्मका लागि अहिले निर्देशक आचार्य कलाकार छनोटमा लागेका छन् । फिल्ममा दोस्रो पटक अनुभव रेग्मी र सेड्रिना शर्माको जोडी बाँधिएको छ । यसअघि उनीहरुले यही फिल्मको पाँचौ श्रृंखलामा सँगै काम गरेका थिए ।
फिल्म ‘नाईं नभन्नू ल’ को दोस्रो श्रृंखलाबाट अनुभव छुटेका छैनन् । उनी बिना यो फिल्मको सिरिज अधुरो मानिन्छ । त्यस्तै, सेड्रिनाले ‘नाईं नभन्नू ल ५’ मा लोभलाग्दो काम देखाएकी थिइन् । हाल भारतमा बसेर अध्ययन गरिरहेकी उनले दोस्रो फिल्म पनि आफूलाई ‘स्टार’ बनाएको ‘नाईं नभन्नू ल’ कै छैठौं सिरिज रोजेकी छन् । उनलाई पर्दामा हेर्न दर्शकहरु प्रतिक्षा गरिरहेका छन् ।

फिल्मको कथा निर्देशक आचार्य र सामिप्यराज तिमल्सिनाले मिलेर लेखिरहेका छन् । फिल्मको दुई सेड्युलमा छायांकन हुने लेखक सामिप्यले बताए । उनले फिल्मीखबरसँग फोनवार्तामा भने, ‘सेड्रिनाका कारण फिल्मको दुई सेड्युलमा छायांकन हुनेछ । उनी जेठमा पढाइ सकेर नेपाल आएपछि दोस्रो चरणको छायांकन हुनेछ । त्योभन्दा अगाडि अरु कलाकारको सिन खिचिनेछ ।’‘नाईं नभन्नू ल ६’ मा अभिनेता सलोन बस्नेतको पनि अभिनय रहेको जानकारी प्राप्त छ । यसपटक फिल्ममा तीन अभिनेत्री र एक अभिनेता हुनेछन् । तीनमध्ये एक अभिनेत्री भने नयाँ हुने निर्देशक आचार्यले बताए । अभिनेता पनि नयाँ खोज्ने उनको तयारी छ । नाम नै ब्रान्ड बनिसकेको ‘नाईं नभन्नू ल’ दर्शकले विश्वास गरेको सिरिज हो । यो फिल्मका सबै सिरिज बक्सअफिसमा हिट छन् ।

फेसबुकबाट तपाईको प्रतिक्रिया



ताजा समाचार

  • डा. केसीका मागप्रति नेविसंघको ऐक्यवद्धता, जीवन रक्षाको माग
  • रुपन्देहीको सियारीमा लालपूर्जा वितरण
  • प्रदेश पाँचका रेडिमिक्समा १५० करोड लगानी
  • राप्तीमा स्वास्थ्यको वार्षिक समिक्षा पुर्ण उपलब्धिमा कोभिड १९ बाधक
  • वामी नमूना समाजको तेश्रो अधिवेशन जापानमा सम्पन्न
  • कोभिडबाट संक्रमण मुक्त भएकाले के–के कुरामा ध्यान दिनु पर्छ ।
  • बाढीले जिप बगाउँदा बेपत्ता भएका विद्युत प्राधिकरणका कर्मचारीको शव फेला
  • पाल्पामा पहिरोले घर पुरिँदा बेपत्ता भएकामध्ये तीनजनाको शव भेटीयो
  • चाडपर्वका बेला भारत आवतजावतमा रोक लगाइने
  • २० अर्बको विकास ऋणपत्र निष्काशन गर्दै नेपाल राष्ट्र बैंकले ,ब्याजदर…