काठमाडौं/ अमेरिकामा आउँदो नोभेम्बरमा हुन लागेको राष्ट्रपति चुनावको उम्मेद्वार चुनिने प्रक्रिया सुरु भएको छ ।नेपाली समय अनुसार मंगलबार बिहान भएको मदान प्रक्रियाको नतिजा समेत आउन थालेको छ ।६० प्रतिशत भन्दा बढी मत गणना हुँदा डेमोक्र्याटिक पार्टीका तर्फबाट उम्मेद्वार बन्ने होडमा रहेका मध्ये सबैभन्दा कम उमेरका पिट् बुटजजले अग्रता बनाएका छन् ।डेमोक्र्याटिक तथा रिपब्लिकन पार्टीका समर्थकले आफ्नो तर्फबाट उम्मेद्वार छनौटका लागि सोमबारदेखि क्रमिक रुपमा मतदान सुरु गरेका हुन् ।
रिपब्लिकन पार्टीका तर्फबाट वर्तमान राष्ट्रपति डोनाल्ड ट्रम्प नै आउँदो चुनावमा पनि उम्मेदवार बन्ने पक्का भएकाले रिपब्लिकनहरुका लागि औपचारिकता मात्रै हुनेछ ।अमेरिकामा सामान्यतयाः एउटा राष्ट्रपतिलाई दुई कार्यकालसम्म निरन्तरता दिने प्रचलन रहँदै आएको छ ।डेमोक्र्याटिक पार्टीमा भने ट्रम्पसँग प्रतिस्पर्धा गर्नका लागि उम्मेदवार बन्ने होडमा अझै पनि ११ जना आकांक्षी छन् ।उम्मेदवार चयनका लागि हुने प्राइमरी मतदान आउँदो जुनसम्म जारी रहन्छ ।आयोवा ककसको ६२ प्रतिशत मतको नतिजा आउँदा इन्डियाना राज्यको साउथ बेण्डका पूर्व मेयर बुटजजले २६।९ प्रतिशत मत प्राप्त गरेका छन् ।यस्तै बर्नी सान्डर्स २५।१ प्रतिशतसहित दोस्रो स्थानमा छ । सन् २०१६ को चुनावमा हिलारी क्लिन्टनसँग पराजित भएर उम्मेदवारी नपाउका बर्नी यसपटक बलियो देखिएका छन् ।यस्तै सिनेटर एलिजाबेथ वारेन १८।३ प्रतिशत मतसहित तेस्रो स्थानमा छिन् । आयोवामा पूर्वउपराष्ट्रपति जो बाइडेन १५।६ प्रतिशत मतसहित चौथो स्थानमा छन ।
थप समाचार
पोर्चुगलमा अन्र्तराष्ट्रिय साहित्य सम्मेलन हुँदै
