१ सय १२ वर्षीया वातानाबेको नाममा ‘विश्वकै वृद्ध व्यक्ति’को रेकर्ड

टोकियो/ जापानका चितेत्सु वातानाबेले सबैभन्दा लामो समय बाँच्ने पुरुषको कीर्तिमान बनाउन सफल भएका छन् ।फेब्रुअरी १२ का दिन ११२ वर्ष ३४४ दिन उमेर पुगेका उनलाई विश्व कीर्तिमानको अभिलेख राख्ने गिनिज बुक अफ वल्र्ड रेकड्र्सले सबैभन्दा बृद्ध व्यक्तीको सूचीमा दर्ता गरेको हो ।उनी बसोबास गर्ने जापानको निगितास्थित एक ज्येष्ठ नागरिक स्याहार केन्द्रमै पुगी उनलाई गिनिज बुकको टोली कीर्तिमानको प्रमाणपत्र दिएको हो ।

सन् १९०७ मार्च ५ मा जन्मेका उनका ५ छोराछोरी छन् । किसान विद्यालयबाट पढाई सकेका उनी जीवनको पूर्वाद्धतिर उखु खेतीका लागि ताइवान पुगेका थिए ।ताइवानमा उनले १८ वर्ष बिताएको गिनिज बुक अफ वल्र्ड रेकड्र्सले उल्लेख गरेको छ । ताइवान बसाईकै क्रममा उनले विवाह गरेको र उनका ५ मध्ये ४ सन्तान ताइवानमै जन्मेको जनाइएको छ ।सन् १९४४ तिर उनले दोश्रो विश्वयुद्धका क्रममा प्रशान्त क्षेत्रमा समेत सहभागिता जनाएका थिए । निकै लामो समय उखु खेति गरेका उनले अझै पनि गुलियो खानेकुरा मन पराउने गरेको बताइएको छ ।