काठमाडौं/ कोरोना भाइरस संक्रमणको आशंकामा टेकुस्थित शुक्रराज ट्रपिकल तथा सरुवा रोग अस्पतलमा भर्ना भएका ३ जनालाई अस्पतालले डिस्चार्ज गरेको छ ।कोरोना भाइरसको परीक्षणमा रिपोर्ट नेगेटिभ आएपछि उनीहरुलाई आज डिस्चार्ज गरिएको शुक्रराज अस्पतालका प्रवक्ता डाक्टर अनुप बास्तोलाले जानकारी दिए ।डा बास्तोलाका अनुसार राष्ट्रिय जनस्वास्थ्य प्रयोगशालाले गरेको परीक्षणमा तीन जनाकै कोरोनाको रिपोर्ट नेगेटिभ आएपछि आज साँझ ४ बजे उनीहरुलाई अस्पतालबाट डिस्चार्ज गरिएको हो ।
चीनबाट नेपाल आएका एकजना चिनियाँ नागरिक र दुईजना नेपालीलाई कोरोना भाइरसको आशंकामा हिजो बिहीबार शुक्रराज अस्पतलमा आइसोलेसनमा निगरानीमा रानिएका थिए । उनीहरुको स्वास्थ्य परीक्षणमा कोरोना नभएको पुष्टि भएपछि अस्पतालले डिस्चार्ज गरेको हो ।ती तीन जनाको परीक्षणसँगै नेपालमा कोरोना भाइरसको आशंकामा स्वास्थ्य परीक्षण गराइएकाको संख्या २३ पुगेको अस्पतालले जनाएको छ । २३ जनामध्ये एकजनामा मात्र कोरोना पोजेटिभ देखिएको थियो ।कोरोना पोजेटिभ देखिएका ती व्यक्तिको पनि पछिल्लो पटक गरिएको परीक्षणमा कोरोना नेगेटिभ भएको स्वास्थ्य मन्त्रालयले दावी गरेको छ ।अस्पतालका प्रवक्ता डा बास्तोलाका अनुसार टेकु अस्पतालमा आज कोरोनाको आशंकामा कुनै पनि बिरामी भर्ना गरिएको छैन।
थप समाचार
सुस्ताका सामुदायिक विद्यालयमा बिद्यार्थीको आकर्षण
गोरखा भूकम्पको स्मरण
