कोरोनाबाट मृत्यु हुनेको संख्या १८ सय ६८ पुग्यो

६ फाल्गुन २०७६, मंगलवार ०   बिचार / प्रतिक्रिया


काठमाडौं – चीनमा कोरोना भाइरसको महामारीबाट मृत्यु हुनेको संख्या ‍१८ सय ६८ पुगेको छ ।चिनियाँ राष्ट्रिय स्वास्थ्य आयोगका अनुसार सोमबार थप ९८ जनाको मृत्यु भएपछि मृतकको संख्या १८ सय ६८ पुगेको हो । अरु १८ सय ८६ जनामा कोरोनाको संक्रमण देखिएको छ ।यो सँगै कोरनाबाट संक्रमित हुनेको कूल संख्या ७२ हजार ४ सय ३६ पुगेको छ।

चिनियाँ समाचार एजेन्सीहरुका अनुसार त्यहाँका झण्डै ३ हजार स्वास्थ्यकर्मीमा कोभिड–नाइन्टिन अर्थात कोरोनाको संक्रमण भेटिएको छ।संक्रमित हुने स्वास्थ्यकर्मीहरु अधिकांश हुबेईको वुहान शहरका नै छन् ।अन्तर्राष्ट्रिय सञ्चारमाध्यमहरुका अनुसार संक्रमणबाट मृत्यु हुनेमा केही संख्यामा स्वास्थ्यकर्मीहरु छन्।

फेसबुकबाट तपाईको प्रतिक्रिया