भारतले गरिरहेको छ ट्रम्पलाई स्वागत गर्न यस्तो तयारी

७ फाल्गुन २०७६, बुधबार ०   बिचार / प्रतिक्रिया


नयाँ दिल्ली– अमेरिकी राष्ट्रपति डोनाल्ड ट्रम्प पहिलो औपचारिक भ्रमणका लागि आगामी सोमबार भारत आउँदैछन् ।भ्रमणको पहिलो दिन अमेरिकी प्रथम महिला मेलानिया ट्रम्पसँग राष्ट्रपति ट्रम्प भारतीय प्रधानमन्त्री नरेन्द्र मोदीको गृहनगर गुजरात राज्यको अहमदावाद जाने कार्यक्रम छ ।उनले त्यहाँ प्रधानमन्त्री नरेन्द्र मोदीसँग ‘केम छो ट्रम्प’ (गुजराती भाषामा के छ ट्रम्प’ नामक ¥यालीमा सहभागी हुनेछन् ।यसअघि गत सेप्टेम्बर महिनामा दुई नेता अमेरिकाको टेक्सस राज्यस्थित हुस्टन शहरमा आयोजित ‘हाउडी मोदी’ नामक ¥यालीमा सहभागी भएका थिए।त्यस्तै, ट्रम्प अहमदावादमा हालै पुननिर्माण गरिएको विश्वकै सबैभन्दा ठूलो क्रिकेट रंगशालाको पनि उद्घाटन गर्न जाने कार्यक्रम छ । अहमदावाद भ्रमण कै क्रममा राष्ट्रपति ट्रम्पले महात्मा गान्धीको शालिकमा माल्यार्पण समेत गर्नेछन् ।त्यसपछि ट्रम्प राजधानी दिल्ली फर्किनेछन् । ट्रम्पले आगरामा रहेको ताज महलको समेत भ्रमण गर्ने सम्भावना रहेको भारतीय अधिकारीलाई उद्धृत गर्दै समाचार संस्था रोयटर्सले जनाएको छ ।ट्रम्पको भारत भ्रमणका क्रममा राष्ट्रपतिका सुरक्षाका लागि चुस्त सुरक्षा व्यवस्था अपनाइएको छ । उनको भ्रमणका क्रममा अहमदावादमा उडान निषेधित क्षेत्र नो फ्लाई जोन लागू गरिने छ ।त्यस्तै, जमिनमा पनि ट्रम्पको सुरक्षालाई उत्तिकै चुस्त बनाइने छ । ट्रम्पको सुरक्षाका लागि अमेरिकाबाट गुप्तचर निकाय सीआईएका २ सय जनाजति एजेन्ट अहमदावाद पुगिसकेका छन् । उनीहरुले स्थानीय सुरक्षाकर्मीसँगको सहकार्यमा राष्ट्रपतिलाई विशेष सुरक्षा दिनेछन् ।त्यसबाहेक राष्ट्रपति ट्रम्प चढ्ने कार अमेरिकी वायुसेनाको विशेष हर्कुलिस विमानले यसअघि नै अहमदावाद पुर्‍याइसकेको छ । अमेरिकाको जनरल मोटर्स अन्तर्गत क्याडिल्याक कम्पनीले निर्माण गर्ने ‘द बिस्ट’ कारको बडी सैनिक स्तरको ५ इन्च बाक्लो छ । यसलाई ट्यांकमा प्रयोग हुने स्टिल, टाइटेनियम, सेरामिक्स लगायतका पदार्थबाट निर्माण गरिएको छ ।त्यस्तै, यो कारको झ्याल ५ तहको सिसा र पोलीकार्बोनेटबाट बनेको छ ।

यसले बख्तरबन्द गाडी आक्रमणका लागि प्रयोग हुने जस्तोसुकै हतियार समेत झेल्न सक्छ ।कारमा हरेक दिशाबाट हुनसक्ने जस्तोसुकै सम्भावित आक्रमणलाई झेल्नसक्ने क्षमता रहेको छ । कारको ढोका बोइङ विमानको ढोकाको वजन बराबार छ ।यो कार अमेरिकाको गुप्तचर सेवाका विशेष प्रशिक्षित कमाण्डोले चलाउने गर्छन् । यसमा चालकका लागि छुट्टै क्याबिन छ भने चालकले राष्ट्रपतिको कुनै पनि गतिविधि देख्न सक्दैनन् । कारमा सञ्चार र जीपीएस ट्रयाकिङ प्रणली समेत जडान गरिएको छ ।खर्च – भ्रमणका लागि अहमदावादमा विशाल पर्खाल समेत निर्माण गरिएको छ । ट्रम्पले शहरको झोपडपट्टी नदेखुन् भन्नाका लागि पर्खाल निर्माण गरिएको जनाइएको छ । यसअघि तत्कालिन अमेरिकी राष्ट्रपति बाराक ओबामाले अहमदावादको भ्रमण गर्दा यस्ता झोपडपट्टी लुकाउनका लागि कपडा र अरु सामानले घेराबेरा गरिएपनि ट्रम्पका लागि भने स्थायी पर्खाल नै बनाउन लागिएको हो ।अमेरिकी राष्ट्रपतिको भ्रमणका लागि अहमदावाद प्रशासनले ८० देखि ८५ करोड भारतीय रुपैयाँ खर्च गरेको रोयटर्सले जनाएको छ ।रोयटर्सका अनुसार यो रकम गुजरात राज्यको गृहप्रशानको कूल बजेटको १.५ प्रतिशत हुन आउँछ । यसमध्ये आधाभन्दा धेरै खर्च राष्ट्रपतिको सुरक्षाका लागि खर्च गरिनेछ ।त्यहाँ उनले विश्वको सबैभन्दा ठूलो क्रिकेट रंगशालाको उद्घाटन गर्नेछन् । १ लाख १० हजार दर्शक क्षमताको मोटेरा स्टेडियम सञ्चालनमा आएपछि विश्वको सबैभन्दा ठूलो क्रिकेट रंगशाला बन्नेछ ।हाल विश्वको सबैभन्दा ठूलो क्रिकेट रंगशाला अष्ट्रेलियाको मलबर्न क्रिकेट ग्राउण्ड एमसीजीको दर्शक क्षमता १ लाख २४ रहेको छ । भारतका प्रथम उपप्रधानमन्त्री सरदार बल्लभाई पटेलको नामबाट सन् १९८२ मा स्थापित यस रंगशाला पुननिर्माणका लागि सन् २०१५ मा भत्काइएको थियो । सोही स्थानमा स्थापना हुन लागेको रंगशाला पुननिर्माणका लागि गुजरातको क्रिकेट संघले ७० अर्ब भारतीय डलर खर्च गरिसकेको छ ।रंगशालाका उद्घाटन गर्न ट्रम्प आउने भएपछि अहमदावाद विमानस्थलबाट रंगशाला आइपुग्ने १८ वटा सडक २० किलोमिटरसम्म फराकिलो पारिएको छ । त्यसबाहेक उद्घाटन समारोहका लागि बेग्लै ३० रुपैपाँ खर्च गरिने गुजरात क्रिकेट संघले जनाएको छ ।

फेसबुकबाट तपाईको प्रतिक्रिया