कवि विद्रोहीलाई रिहाइ गर्न माग

९ फाल्गुन २०७६, शुक्रबार ०   बिचार / प्रतिक्रिया

Print

फागुन /अखिल नेपाल लेखक सङ्घले आफ्नो केन्द्रीय सदस्य एवं कवि विपी विद्रोहीलाई सरकारले विहीबार राजधानीबाट विनापुर्जी र विनाकारण कायरतापूर्ण पक्राउ गरेको प्रति आपत्ति जनाएको छ । सङ्घका महासचिव खोमा तरामु मगरद्धारा जारी विज्ञप्तीमा श्रमजीवी जनताको पक्षमा कलम चलाउदै आएका कलमजीवी विद्रोहीलाई गरिएको गिरफ्तारी निन्दनीय, खेदपूर्ण र आपत्तिजनक रहेको बताइएको छ । विज्ञप्तीमा कवि विद्रोहीलाई शीघ्र रिहाइ गर्न माग गरिएको छ । विज्ञप्तीमा समाजवादी यथार्थवादका पक्षधर लेखक तथा संस्कृतिकर्मीहरुलाई निर्वाध सिर्जना क्षेत्रमा क्रियाशील हुने वातारण सिर्जना गर्न अपील समेत गरेको छ ।

यस्तो विज्ञप्ती–
कायरतापूर्ण गिरफ्तारीको भत्सर्ना
अखिल नेपाल लेखक सङ्घका केन्द्रीय सदस्य एवं कवि विपी विद्रोहीलाई सरकारले बिनापुर्जी र बिनाकारण कायरतापूर्ण गिरफ्तार गरेको छ । श्रमजीवी जनताको पक्षमा कलम चलाउदै आएका कलमजीवी विद्रोहीलाई गरिएको गिरफ्तारी निन्दनीय, खेदपूर्ण र आपत्तिजनक रहेको छ । उहाँको गिरफ्तारीप्रति घोर आपत्ति तथा खेद व्यक्त गर्दै शीघ्र रिहाइको माग गर्दछौं । समाजवादी यथार्थवादका पक्षधर लेखक, कवि, नाटककार एवं संस्कृतिको क्षेत्रमा क्रियाशील स्रष्टाहरूलाई निर्वाध रूपले आ–आफ्नो सिर्जनात्मक कार्यक्षेत्रमा निरन्तर क्रियाशील हुने वातावरण निर्माणका लागि सबैमा हार्दिक अपिल गर्दछौं ।
२०७६ फागुन ९ ।
………………..
खोमा तरामु मगर
(महासचिव)

फेसबुकबाट तपाईको प्रतिक्रिया