दिल्लीमा प्रदर्शनका क्रममा प्रहरीका ‘हेड कन्स्टेबल’को मृत्यु

१२ फाल्गुन २०७६, सोमबार ०   बिचार / प्रतिक्रिया
8 Shares


एजेन्सी /भारतमा विवादास्पद नागरिकता विधेयकको विरोधमा भएको हिंसाका क्रममा राजधानी नयाँ दिल्लीमा भारतीय प्रहरीका एकजना हेड कन्स्टेबलको ज्यान गएको छ ।दिल्लीको यमुनापार क्षेत्रमा भएको हिंसामा प्रहरीका हेड कन्स्टेबलको ज्यान गएको भारतीय सञ्चारमाध्यमले जनाएका छन् । मारिने व्यक्ति भारतीय प्रहरीका हेड कन्स्टेबल रतन लाल रहेको भारतीय सञ्चारमाध्यमले लेखेका छन् ।ठाउँठाउँमा प्रहरी र प्रदर्शनकारीबीच झडप भएको जनाइएको छ । झडपका क्रममा भारतीय प्रहरीका एकजना डीसीपी समेत घाइते भएका छन् । प्रदर्शनकारीले ठाउँठाउँमा आगजनी गरेका छन् भने प्रहरीमाथि प्रदर्शनकारीले ढुङ्गामुढा वर्षाएका छन् ।

प्रहरीले प्रदर्शनलाई नियन्त्रण गर्नका लागि बल प्रयोग गरेको छ । यहीक्रममा प्रदर्शनकारीहरु प्रहरीमाथि जाइलागेको भारतीय सञ्चारमाध्यमले जनाएका छन् । यहीक्रममा प्रहरीका डीसीपी घाइते भएको जनाइएको छ ।तनावग्रस्त अवस्थालाई नियन्त्रण गर्नका लागि प्रहरीले उत्तर पूर्वी दिल्लीका १० इलाकामा कर्फ्यू जारी गरिएको छ । दिल्लीका मुख्यमन्त्री अरविन्द केजरीवालले प्रदर्शनकारीसमक्ष संयमता अपनाउन आह्वान गरेका छन् ।

फेसबुकबाट तपाईको प्रतिक्रिया

ताजा समाचार

  • गंगाराम अस्पतालका १०८ जना चिकित्सक क्वारेन्टाइनमामा
  • प्रियंका चोपडाको एक लाख डलर सहयोग
  • लकडाउनलाई थप कडाइ गर्दै एक स्थानीय तहबाट अर्कोमा जान पनि…
  • भीरकोट-डायालोशिस,गर्भवती, दुर्घटना आदिका लागि नगरपालिकाले नै दिन्छ यातायात सुविधा
  • क्ञ्चनका सहकारीहरुले कर्जामा चैत्र महिनाको कुनैपनि शुल्क नलिने
  • कञ्चनका सहकारीहरुद्वारा राहत कोषमा १ लाख ७० हजार रुपैया आर्थिक…
  • राजनैतिक दलहरुद्धारा लकडाउनको कडाइका साथ पालना गर्न ध्यानाकर्षण
  • देविस्थान युवा क्लबद्धारा धुर्कोट जैसिथोकका केहि विपन्न परिवारलाई मास्क वितरण
  • सिरहाको गाउँपालिकामा निजि जग्गामा सडक बनाउने विषयमा बिवाद
  • स्थानीय सरकारका ताजा बजेटहरू र तिनीहरुको हालको अवस्था