फिल्मी शैलीमा ७ महिने बच्चा सहित २ बालक अलपत्र छोडेर आमाबाबु बेपत्ता

१६ फाल्गुन २०७६, शुक्रबार ०   बिचार / प्रतिक्रिया


दाई भाउजुले साना दुई छोरा छोडेर हिँडेपछि १४ दिनकी सुत्केरी रहेकी थाना विष्टको काँधमा थप जिम्मेवारी आएको छ । काखमा खेल्ने निर्माण विष्ट र करिब ४ वर्षका विरु विष्ट अहिले फुपु थाना विष्टको संरक्षणमा छन् । दुई छोराका बाबु एउटै हुन् भने आमा दुईवटा हुन् । निर्माणको आमा भने काखमा खेल्ने सानो छोरालाई छोडेर अर्कैसंग विवाह गरेर गएकी छन् ।

उनीहरुका वुवाको पनि अहिले अत्तोपत्तो छैन । यो सुर्खेतको खबर हो । थाना आफै पनि कोठा भाडामा बस्छिन् । उनको भर्खर १४ दिन अघि जन्मेको बालकलाई पनि खुवाउने केही छैन । त्यस माथि दाईको दुई छोराको जिम्मेवारी पनि थपिएपछि उनलाई आर्थिक समस्या परेको छ । जुम्ला घर भएका ति बालबालिकाहरुलाई घरमै आमाले छोडेर हिडेपछि उनीहरु घरमा एक्लै अलपत्र थिए । एउटा ७ महिनाको बालक आमाको दुध खान नपाएर रोइरहेको थियो । त्यो कुरा थाहा पाएपछि उनको फुपुले अहिले पालिरहेकी छन् । ७ महिनाको दुधे बालकलाई त्यसै छोडेर अर्कैसंग पोइला गएपछि अहिले उनीहरुको बिचल्ली भएको छ ।

अहिले ति छोराहरुलाई देखेर फुपु पनि निकै दुखी छन् । यिनीहरुको भाग्यमा बुवा आमाको माया पाउने रहेनछ त्यही भएर त यस्तो भयो होला, फुपु भन्छिन् सानो छोरा आमाको दुध खान खोजेर रातभरी रुन्छ । चार वर्षका निर्माण विद्यालय पनि जान पाएका छैनन् । थानाको दाईले दुई छोरालाई अलपत्र पारेर छोडे । पहिलो विवाह गरेको बारे आफुलाई जानकारी भएको र पछिल्लो विवाह काठमाडौंमा गरेको पछि मात्र थाहा पाएको बताइन् । उनले दुई महिना देखि ति बालकहरुलाई पाल्दै आएकी छन् । सानो बालकको आमा छोडेर कहाँ गइन् भन्ने पनि जानकारी नभएको बताइन् । दाई र भाउजुले यस्तो गल्ती गरेपनि बालकहरुको दुख देख्न नसकेर आफुले ल्याएको बताइन् ।

भिडियोमा सबै कुरा आएपछि अहिले बुवा भने सम्पर्कमा आएको बताइएको छ । तर त्यसको जानकारी पुष्टि भएको छैन । बुवाले ठूलो छोरा आफैले राख्ने र सानो छोरालाई आफैले राख्ने चाहना राखेको बताइएको छ । यो भिडियो सार्वजनिक भएपछि बालकहरु पाल्न चाहनेहरुको लाइन लागेको छ । फुपुले पनि बालकहरुको भविष्य राम्रो होस् भन्ने आफ्नो चाहना रहेको बताएकी छन् ।

फेसबुकबाट तपाईको प्रतिक्रिया



ताजा समाचार

  • बुवाको स्मृतिमा शक्ति गौचनले तेस्रोपटक क्रिकेट प्रतियोगिता गराउँदै
  • कोरोना विरुद्धको खोप ‘कोभिसिल्ड’ बुधबार बिहान १० बजेदेखी लुम्बिनी प्रदेशका…
  • विघटन भएको प्रतिनिधिसभा पुनस्र्थापनाको कुनै संभावना छैन : अर्थमन्त्रि पौडेल
  • अदालतको काम संविधानको रक्षा गर्ने तथा व्यवस्थापिकालाई ठिक स्थानमा राख्ने…
  • पुर्वाग्रहबीना सदस्यता सिफारिस गर्न प्रेस युनियन रुपन्देहीद्धारा महासंघको ध्यानाकर्षण
  • रुपन्देहीको सियारी गाउँपालिकामा खरका छाना विस्थापित गरिने
  • धुर्कोट प्रमानन्द भण्डारी बहुमुखी क्याम्पसको १२ औँ बार्षिकोत्सव सम्पन्न
  • महिला स्वास्थ्य स्वयंसेविकाहरु लाई साईकल प्रदान
  • बैमानी छौकी छैनौ बाइ” लामो समयपछि सार्वजनिक
  • शितगंगामा बाबू द्धारा छोरी हत्या