झविन्द्र देवकोटा /बुटवल-बुटवल–८ सुख्खानगर धर्र्मपथमा रहेको ईन्द्रेणी बहुउद्देश्य सहकारी संस्था लिमिटेडले आफ्नो स्थापनाको २५ वर्ष विभिन्न रचनात्मक कार्यक्रम गरेर मनाउने भएको छ । संस्था स्थापना भएको चैत ८ गतेलाई सहकारीले आफ्नो स्थापना दिवसका रुपमा मनाउन लागेको हो । संस्थाले स्थापना दिवसमा सामजिक उत्तरदायित्व बहन गर्ने प्रकारका रक्तदान कार्यक्रम, असक्त असहाय, अपाङ्ग, दृष्टिबिहीन लगायतलाई सहयोग, विभिन्न प्रतियोगितात्मक कार्यक्रम लगायत गरेर स्थापना दिवस मनाउने भएको हो । संस्थाका अध्यक्ष धुर्व धितालको अध्यक्षतामा भएको संयुक्त बैंठकले २५औं स्थापना दिवस विभिन्न रचनात्मक कार्यक्रम गरेर रगत वर्षका रुपमा मनाउने निर्णय गरेको हो । यस्तै बैंठकले संस्थालाई सहकारी ऐन २०७४÷७५ अनुसार सहकारीलाई बहुृद्देश्यीय क्षेत्रमा सक्रिय बनाउने निर्णय पनि गरेको छ ।
संस्थाले बचतलाई उत्पादनमुलक क्षेत्रमा लगानी गर्नका लागि सम्भाब्यता अध्ययनन गर्ने र कृषि तथा कृषिजन्य क्षेत्रमा लगानी गर्ने निर्णय गरेको अध्यक्ष धितालले जानकारी दिनुभयो । उहाँले पेट्रोल पम्प, चार्जिङ्ग स्टेशन, नर्सरि, कागती, अखरुड लगायतको खेति गर्नका लागि विभिन्न क्षेत्रको अध्ययन तथा अवलोकन गरेको जानकारी दिनुभयो । संस्थाका उपाध्यक्ष कृष्णप्रसाद अर्यालको स्वागतमा भएको कार्यक्रममा संस्थाका संरक्षक बाबुराम राना, भुपालकुमार श्रेष्ठ, पुर्व अध्यक्ष शिवलाल राना, निर्वतमान अध्यक्ष मित्रबहादुर शाक्य, मुल्याङ्कन समितिका संयोजक उदयराज भण्डारी, लेखा तथा सुपरीवेक्षण समितिका संयोजक मोहनप्रसाद भण्डारी, कानुनी सल्लाहकार जीवनारायण अधिकारी, गणेशप्रसाद अधिकारी, नेत्रलाल अर्याल लगायतले संस्थालाई बचतमा मात्र केन्द्रीत नगरेर उत्पादनमुलक क्षेत्रमा लगाउनु पर्ने सुझाव दिनुभयो । संस्थाका सचिव माया गौतमको संचालनमा भएको कार्यक्रममा कोषाध्यक्ष नरबहादुर श्रीसले संस्थाको पुस मसान्तर सम्मको आर्थिक प्रतिवेदन प्रस्तुत गर्दै यस अवधिमा संस्थाको आम्दानी २९ करोड ८९ लाख, २२ लाख ७५ हजार खर्च भएको र त्यस अवधिमा ७१ लाख ३५ हजार संस्थाले नाफा गरेको जानकारी दिनुभयो ।
थप समाचार
बित्तीय साक्षरता क्रायक्रम सम्पन्न
