अमेरीकाको कोलोराडो राज्यमा सङ्कटकाल घोषण

२८ फाल्गुन २०७६, बुधबार ०   बिचार / प्रतिक्रिया


कोलोराडो । गभर्नर जेरेड पोलिसले मङ्गलवार कोलोराडो राज्यमा सङ्कटकालीन घोषणा गरेका छन् । कोरोना भाइरसलाई नियन्त्रणमा लिन सहयोग पुग्ने भन्दै उनले यस्तो घोषणा गरेका हुन् ।

तर, उनले यो सङ्कटकाल घोषणाले ब्यबसायिक वातावरणलाई असर नगर्ने प्रस्ट पारेका छन् । यो कदम अमेरिकामा कोरोना भाइरसको बढ्दो सङ्क्रमणको संवेदनशीलतालाई मध्यनजर गर्दै चालिएको उनको स्पष्टोक्ति छ ।

‘कोरोना भाइरस नियन्त्रणमा लिन, यसको जोखिमबाट सर्वसाधारणलाई जोगाउनका लागि स्रोत साधन परिचालन गर्न तथा कानुनी व्यवस्था खुकुलो बनाउन यो कदम चालिएको हो,’ गभर्नर पोलिसले भनेका छन् ।

मङ्गलवारसम्म कोरोना भाइरस प्रभावितको सङ्ख्या कोलोराडोमा १७ पुगेको छ । सरकारी अधिकारीहरूले यो सङ्ख्यामा वृद्धि हुने अपेक्षा गरेका छन् । खासगरि सङ्कटकाल घोषणाले व्यक्तिगत रूपमा कोरोना भाइरस परीक्षण गर्न र निजी प्रयोगशालाहरूलाई परीक्षणको अधिकार कानुनी रूपमा बाटो खोलिदिएकाले सरकारी अधिकारीहरूले यस्तो अपेक्षा गरेका हुन् ।

सरकारी अधिकारीहरूले कोरोना भाइरस समुदायमा फैलिएको घोषणा गरिसकेका छैनन् । उनीहरूले त्यसका लागि केही दिन कुर्नै पर्ने बताएका छन् । यो भाइरसबाट अमेरिकामा मृत्यु हुनेको सङ्ख्या कम्तीमा ३१ पुगेको छ । यो भाइरस तीव्र रूपमा फैलिन थालेपछि अमेरिकाको अधिकांश राज्यमा सङ्कटकाल घोषणा गरिएको छ ।

त्यसै गरी डेनभरमा हुने सेन्ट प्याट्रिक डे परेड पनि क्यान्सिल गरिएको जानकारी डेनभर मेयर माइकल ह्यानककले दिएका छन् ।

फेसबुकबाट तपाईको प्रतिक्रिया



ताजा समाचार

  • एभरेस्ट आयल सप्लायरमा आगलागी
  • बैदेशिक रोजगारबाट फर्किएकाहरुका लागी एक दिने गहन अभिमुखी करण कार्यक्रम…
  • कांग्रेसका सांसदहरूले फिर्ता गरे दशैं भत्तावापतको रकम
  • कोरोनाको परीक्षण र उपचार जनताले नै गर्नुपर्ने निर्णय फिर्ता लिन…
  • बुटवलको सिंह कम्प्लेक्समा सञ्चालनमा आयो खस्यौली स्नोकर क्लब
  • २४ घण्टामा ३७९० संक्रमित थपिए, उपत्यकामा २३८८, मृत्यु हुने १८…
  • प्रजातान्त्रिक महासंघको सुचना प्रविधि तथा प्रचार बिभागको सचिबमा निरज
  • भैरहवा क्षेत्रमा हुने ओभरलोड तथा ट्राफिक नियम विपरित हुने कार्य…
  • नागरिकलाई सुरक्षित रहदै चाडपर्व मनाउन अनुरोध
  • जिपि कोइराला फाउण्डेसन साइप्रसकीसंयोजक दुलाल द्धारा विद्यार्थीलाई सहयोग