टिकटकले भाईरल धकधईको ग्रीन जोन

४ चैत्र २०७६, मंगलवार ०   बिचार / प्रतिक्रिया


भैरहवा । भैरहवा–भुमहि सडक खण्डमा पर्ने धकधई नजिकै अहिले युवा युवतीहरुको भिड लाग्ने गरेको छ । केही दिन सम्म सामान्य जस्तै देखिने यो क्षेत्रमा स्थानिय युवा युवतीले मात्र हैन जिल्ला बाहिरका युवाहरुको लागी आकर्षणको केन्द्र बनेको छ ।

रुपन्देहीको रोहिणी गाउँपालिका वडा नम्बर ३ धकधईमा भैरहवाका ब्यवसायी राजीव बेरीवालले लगाएको लहरे पिपलको बगैचा अहिले सामाजिक सञ्जालमा भाईरल बनेको छ । बसन्त ऋतुको आगमन संगै अहिले पिपलमा पालुवाहरु पलाउन थाले पछि यसको आकर्षणमा युवा युवतीहरु मुग्ध भएका छन् । यसको साथै आकर्षक एवम एउटै लाईनमा रापिएको कारण यसले थप आकर्षण देखिएको छ । रुपन्देहीकै बुटवल, मुर्गिया, मणिग्राम लगायत मात्र हैन नवलपरासी, कपिलवस्तु र चितवन सम्मका युवाहरु अहिले यहा टिकटक, फेसबुक लगायतमा फोटो र भिडियो बनाएर पोष्ट गरि रहेका छन् ।

सामाजिक सञ्जालबाट नै यो ठाउको बारेमा थाहा पाएको धेरैले प्रतिक्रिया दिए । उनिहरुले यो ठाउमा बिदेशको जस्तो दृश्य आउने भएकोले धेरै नै लोकप्रिय रहेको बताए ।

युवाहरुको आकर्षण बढ्दै गए पछि अहिले रोहिणी गाउँपालिका पनि यसको प्रवद्र्धनमा जुटेको छ । रोहिणी गाउँपालिका सामाजिक सञ्जालकै माध्यमबाट भए पनि देश बिदेशमा चिनिएको भन्दै यहाका स्थानियहरु पनि खुशी छन् । रोहिणी गाउँपालिकाको कार्यालयले पनि अब यसको संरक्षणको प्रयास गर्ने जनाएको छ । गाउँपालिका अध्यक्ष सनोज कुमार यादवका अनुसार ब्यक्तिगत जग्गा भए पनि यहा खानेपानी र शौचालयको ब्यवस्था गरेर यसलाई थप ब्यवस्थित बनाईने जनाए ।

युवा युवतीहरुको आवागमन हुने भएकोले यस क्षेत्रमा सुरक्षा र अन्य गलत गतिविधि हुन नदिन पनि गाउँपालिकाको दायित्व रहेकोले यसको प्रवन्ध गरिने उसले बताएको छ ।

फेसबुकबाट तपाईको प्रतिक्रिया