इरान र स्पेनको अवस्था पनि भयावह बन्दै कोरोना संक्रमण

प्रकाशित मिति:

एजेन्सी  –  चीनपछि इटालीलाई आक्रान्त पारेको कोरोना भाइरसको संक्रमण इरान र स्पेनमा पनि तिब्र गतिमा फैलिरहेको छ । इरानमा झण्डै एक हजार र स्पेनमा झण्डै ५ सयको हाराहारीमा मानिसको मृत्यु भइसकेको छ ।

आजमात्रै इरानमा १ सय ३५ जनाको मृत्यु भएपछि मृतकको संख्या ९ सय ८८ पुगेको छ । एकैदिनमा १ हजार १ सय ७८ जना नयाँ संक्रमित भेटिएपछि इरानमा संक्रमितको संख्या १६ हजार १ सय ६९ पुगेको छ । स्पेनमा पनि तिब्र गतिमा फैलिरहेको कोरोना भाइरसको संक्रमणका कारण आज एकैदिन १ सय ३५ जनाको मृत्यु भएको छ ।

स्पेनमा आजैमात्र १ हजार ३ सय ३७ जना नयाँ संक्रमित भेटिएपछि कूल संक्रमितको संख्या ११ हजार २ सय ७९ पुगेको छ । यो तथ्यांक हेर्दा चीन र इटलीपछि इरान र स्पेनको अवस्था भयावह बन्दै गएको देखिन्छ । आजमात्रै चीनमा १३, दक्षिण कोरियामा ६, अमेरिकामा ७, स्वीट्जरल्याण्डमा २, मलेसियामा २, पोल्याण्डमा १ जनाको मृत्यु भएको छ ।

थप समाचार