स्याङ्जाको गल्याङ नगरपालिका वडा नम्बर १० लिहुडाँडामा आधारभूत स्वास्थ्य केन्द्र सुरु

७ चैत्र २०७६, शुक्रबार ०   बिचार / प्रतिक्रिया


गल्याङ् । स्याङ्जाको गल्याङ नगरपालिका वडा नम्बर १० लिहुडाँडामा आधारभूत स्वास्थ्य केन्द्र सुरु भएको छ ।  गल्याङ नगरपालिका स्वास्थ्य शाखाले वडा नम्बर दशको लिहुँडाँडामा आधारभूत स्वास्थ्य केन्द्रको सुरुवात गरेको हो ।  साविकको पकवादी गाविसको स्वास्थ्य चौकी हाल नौ नम्बर वडा साङिलयामा रहेका कारण यो वडा स्वास्थ्य चौकी विहीन थियो ।  प्रत्येक वडामा आधारभूत स्वास्थ्य केन्द्र बनाउने निती अनुरुपमा गल्याङ नगरपालिका प्रमुख भुपराज अधिकारीको पहलमा वडा नम्बर दशमा स्वास्थ्यकेन्द्र सुरु गरिएको हो ।  शहरी स्वास्थ्य केन्द्रको उद्घाटनमा गल्याङ नगरपालिका प्रमुख भुपराज अधिकारीले रोग लाग्न नदिने कुरालाई पहिलो प्राथमिकता दिन स्थानीयबासीलाई आग्रह गर्नुभयो ।

उहाँले स्थानीय अर्गानिक कृषि उत्पादन गरी स्वस्थ रहन आग्रह गर्दै कृषि र स्वास्थ्यलाई सँगै जोड्नुपर्ने बताउनुभयो ।  नगरप्रमुख अधिकारीले भन्नुभयो –‘गाउँमा बस्ने तर बजारको किनेर खाने गर्दा धेरैको स्वास्थ्यमा असर परेको छ । कम्तिमा आफुलाई खानका लागि आफै उत्पादन गरेर सुरु गर्न सक्नुपर्छ । औषधी हालिएका र सुइ लगाइएका खानेकुराबाट नै धेरै रोगहरु लाग्ने गरेकाले कृषिलाई स्वास्थ्यसँग जोड्नु आवश्यक रहेको उहाँको भनाई छ । नगरप्रमुुख अधिकारीले वडा नम्बर दशले तरकारी उत्पादनमा आत्मनिर्भर रहेकोमा खुशी व्यक्त गर्दै व्यवसायिक ढंगले कृषि गरेमा बजारिकरण र अन्य सहयोग गर्न नगरपालिका प्रतिबद्व रहेको बताउनुभयो । कार्यक्रममा वडा नम्बर दशका अध्यक्ष ध्रुब शर्मा पङ्गेनीले वडामा स्वास्थ्य केन्द्र स्थापना हुनु खुुशीको कुरा भएको भन्दै आगामी दिनमा वडाको विकासका लागि धेरै योजनाहरु ल्याउने बताउनुभयो । कृषि क्षेत्रमा काम गर्नका लागि जनशक्ति तयार नहुने गरेको गुनासो गर्दै उहाँले तुरुन्तै प्रतिफल खोज्ने बानी हटाउनुपर्नेमा जोड दिनुभयो । गल्याङ नगरपालिका स्वास्थ्य शाखा प्रमुख लिला भण्डारीले स्थानीय वडाबासीका लागि सामान्य स्वास्थ्य सेवाको काम शहरी स्वास्थ्य केन्द्रबाट हुने भन्दै यसबाट लाभ लिन आग्रह गर्नुभयो ।  वडाध्यक्ष ध्रुुुुुुुुब शर्मा पङ्गेनीको सभापतित्वमा भएको कार्यक्रमको सञ्चालन स्वास्थ्य शाखाका प्रतिनिधि विपिन कोइरालाले गर्नुभएको थियो भने स्वागत मन्तव्य वडा सचिव गिरिराज रेग्मीले गर्नुभएको थियो ।

फेसबुकबाट तपाईको प्रतिक्रिया



ताजा समाचार

  • नवीन औद्योगिक कदर बहादुर रीता मा.वि. द्वारा मंगलबार नव आगन्तुक…
  • त्रिभुवन विश्वविद्यालय अन्तर्गत वी.ए. पहिलो वर्ष, अँग्रेजी विषयको परिवर्तित पाठ्यक्रमको…
  • आज थप ३०९३ जनामा कोरोना संक्रमण पुष्टि
  • खाद्य स्वच्छता तथा मासुजन्य पदार्थ विक्री बितरण सम्बन्धी छलफल
  • केक काटेर होइन सामाजिक काम गरेर मनाउनु पर्छ जन्मदिन :…
  • नेपाल विद्यार्थी फोरम (लोकतान्त्रिक) को पूनर्गठित कार्यसमितिको नाम सार्वजनिक, सभापतिमा…
  • कोरोना संक्रमितप्रति जिम्मेवार बन्दै तिलोत्तमा ,शव व्यवस्थापनको जिम्मादेखि निःशुल्क पिसिआर…
  • मिलन र बिछोडको दोसाँध बैगुनी २ बजारमा
  • आहत मा राहत कार्यक्रम लाई बुद्धि सुवेदीको सहयोग,
  • एनआरएनए स्पेन द्वारा स्वर्गिय भबिस्यता न्यौपानेको परिवारलाई आर्थिक सहयोग हस्तान्तरण