गुल्मीको धुर्कोटमा चोरको बिगविगी

प्रकाशित मिति:

गुल्मी – सनिबार राति गुल्मीका विभिन्न स्थानहरुमा चोरी भएको छ । गुल्मीको धुर्कोट गाउँपालिका वडा न. ४ को जैसिथोकका पसल तथा घरहरुमा चोरी भएको छ । रातिको समयमा अज्ञात समुहद्धारा पसल तथा घरहरुमा गरी १३ स्थानमा चोरी भएको छ ।

पाण्डे मासु पसल, विन्दावासिनि किराना पसल, पोख्रेल इलेक्ट्रोनिक, सुहाना मासु पसलमा तोडफोड गरेका छन् । त्यस्तै वडा न. ४ मा बस्दै आएका वसन्त वि.क को घरमा पनि चोरी भएको छ । घरमा रहेको गरगहना र नगद रु ३० हजार रुपैँया चोरी भएको हो । लाल बहादुर थापा, मिना कुवँर, लक्ष्मण विक, विष्णु नेपाली, फर्सुराम भण्डारी, वविता पोखरेलको खुद्रा पसल पसल, सिता भण्डारी, आम प्रकाश पोखरेलको घरमा तोडफोड भएको छ ।
त्यस्तै शुक्रबार राति धुर्काेट गाउँपालिका वडा न. १ मा वडा कार्यलय लगायत पसलहरुमा चोरी भएको थियो । अज्ञात समुहको खोजि भइरहेको धुर्कोट इलाका प्रहरीले जनाएको छ ।