ब्रमाण्डमा आमाभन्दा ठूलो केहि छैन: चाणक्य

२३ चैत्र २०७६, आईतवार ०   बिचार / प्रतिक्रिया
2K Shares


भारतको ऐतिहासिक मौर्य साम्राज्यलाई स्थापित गर्न महान् भूमिका खेल्ने आचार्य चाणक्य एक महान दार्शनिक, दूरदर्शी लेखक तथा प्रकाण्ड विद्वान मानिन्छन् ।तक्षशिला विश्वविद्यालयका आचार्य रहेका चाणक्यले अर्थशास्त्र नामक पुस्तक लेखेका थिए । जसमा मौर्यकालमा भएको राजनीतिक व्यवस्थाप्रति प्रकास पारिएको छ । चाणक्यको नीति तथा विचार आज पनि सान्र्दभिक मानिन्छ ।उनले आफ्नो दर्शनमा चार कुरालाई मुल्यवान् मानेका छन् । चाणक्यले मुल्यवान् मानेका ती चार विषय यी हुन्

१ दान भन्दा मुल्यवान् केहि छैन:आचार्य चाणक्यको महावाणी अनुसार यस दुनियामा भोजन र पानी दान जस्तो महादान अरु केहि छैन ।चाणक्यका अनुसार पानी र भोजन जतिको मुल्यवान् वस्तु विश्वमा अरु कुनै हुदैन । त्यसैले जो व्यक्तिले तिर्खाएको र भोको प्राणीलाई तृप्त गराउँछ त्यो मात्रा पुण्य आत्मा मानिन्छ ।२ एकादशी जस्तो पवित्र दिन अरु छैन:आचार्य चाणक्यका अनुसार हिन्दु पञ्चांगको ११ एकादशी तिथि सबैभन्दा पवित्र तिथि रहेको छ । उनका अनुसार एकादशी तिथिमा पुजा गर्ने वा उपवास राख्नाले मात्र भगवान विष्णुको विशेष कृपा हुने बताएका छन् । एकादशी तिथि भगवान विष्णुको प्रिय दिन मानिन्छ ।३ गायत्री मन्त्रभन्दा शक्तिशाली अर्को छैन:आचार्य चाणक्यका अनुसार गायत्री मन्त्र बराबरको शक्तिशाली यस संसारमा अर्को कुनै शक्ति छैन ।यो मन्त्र नभई महाशक्तिको उपनाम रहेको चाणक्यले बताएका छन् । त्यसैले चाणक्यका अनुसार गायत्री मन्त्र बराबरको अर्को कुनै मन्त्र छैन । चारै वेदबाट उत्पत्ती भएकी गायत्रीलाई वेदमाता पनि भनिन्छ ।

४ आमा भन्दा ठूलो अरु कुनै छैन:आचार्य चाणक्यका अनुसार यस ब्रमाण्डमा आमाभन्दा ठूलो अरु केहि छैन । ब्रमाण्डको सबैभन्दा ठूलो मापनमा आमा तुल्य कोहि नहुने चाणक्यले बताएका छन् । उनका अनुसार आमा बराबरको न कुनै देवता, न कुनै तीर्थ र न कुनै गुरु हुन्छन् । त्यसैले जो व्यक्ति आफ्नो मातापिताको नियमित सेवा गर्छ उसले अरु कुनै भगवान, तीर्थ वा शक्तिको उपासना गर्नुपर्दैन ।

फेसबुकबाट तपाईको प्रतिक्रिया