राहत कोषमा तिलोत्तमाका जनप्रतिनिधिको ४ लाख ५० हजार सहयोग

३ बैशाख २०७७, बुधबार ०   बिचार / प्रतिक्रिया


रुपन्देहीको तिलोत्तमा नगरपालिकाका जनप्रतिनिधिहरुले नगरपालिकाको प्रकोप व्यवस्थापन कोषमा ४ लाख ५० हजार रुपैंयाँ सहयोग गर्ने निर्णय गरेका छन् । नगरकार्यपालिकाको बैठकले कार्यपालिका सदस्यहरुले कम्तिमा ५ हजार र नगरसभा सदस्यहरुले कम्तिमा २ हजारको दरले कोषमा रकम जम्मा गर्ने निर्णय गरेको हो । कतिपय जनप्रतिनिधिहरुले यसअघि नैं कोषमा रकम जम्मा गरिसकेका छन् ।

नगर प्रमुख बासुदेव घिमिरेले ५० हजार, उपप्रमुख जागेश्वर चौधरीले १० हजार रुपैंयाँ कोषमा जम्मा गरिसक्नुभएको छ । यस्तै धेरैजसो कार्यपालिका सदस्यहरुले पनि कोषमा रकम जम्मा गरिसक्नु भएको र नगरसभा सदस्यहरुले निर्णयअनुसार रकम जम्मा गर्नुहुने प्रवक्ता सुरेन्द्र श्रीले जानकारी दिनुभयो ।

नगरपालिकाकामा कार्यरत कर्मचारी तथा शिक्षकहरुको तीन दिन बराबरको तलबबाट १७ लाख २ हजार ६६५ रुपैंयाँ कोषमा जम्मा गरिसकेका छन् । स्वास्थ्य शाखामा कार्यरत चार जना कर्मचारीले अलग्गै २५ हजारका दरले एक लाख रुपैंयाँ कोषमा जम्मा गरिसकेको लेखा अधिकृत रमेश बस्यालले जानकारी दिनुभयो ।

नगरपालिकाको आह्वानअनुसार कोषमा हालसम्म झण्डै नगद ५५ लाख रुपैंयाँ संकलन भएको छ । कोषमा जनप्रतिनिधि, विभिन्न व्यक्ति, संघ—संस्था, बैंक तथा वित्तीय संस्था, खानेपानी, वन सहकारी, विद्यालय, क्लव, विभिन्न व्यवसायिक प्रतिष्ठानलगायतले सहयोग गरेका हुन् ।

यसअघि नैं स्थापना गरिएको कोषलाई कोरोना महामारी रोकथाम, पूर्वतयारी तथा उपचारको सन्दर्भमा मजबुद बनाउन नगरपालिकाले गरेको अपिलअनुसार हालसम्म झण्डै ५५ लाख नगद संकलन भएको हो । नगदको अतिरिक्त ७६ क्विन्टल चामल, एक क्विन्टल दाललगायतका खाद्यबस्तु समेत नगरपालिकालाई विभिन्न व्यक्ति तथा वित्तीय संस्थाहरुले प्रदान गरेका छन् ।

नगरपालिकाले एनआईशी एशिया बैंक लिमिटेडको मणिग्राम शाखामा रहेको प्रकोप व्यवस्थापन कोषमा आफू सक्दो सहयोग गर्न सबैलाई आह्वान गर्दै आएको छ ।

कोषको रकमबाट दैनिक ज्यालामजदुरी गरेर जिविकोपार्जन गर्ने परिवारका लागि राहत वितरण, क्वारेन्टाइन व्यवस्थापन, कोरोना सम्बन्धी सचेतना अभिवृद्धि, भारत तथा तेस्रो मुलुकबाट आएका व्यक्तिहरुको खोजी, स्वास्थ्यकर्मीका लागि आवश्यक सुरक्षण सामाग्री व्यवस्थापनलगायतका काम सञ्चालन गरिएको नगरपालिकाको भनाइ छ ।

हालसम्म राहत वितरणमा नगरपालिकाबाट २१ लाख ४० हजार २२० रुपैंयाँ खर्च भएको छ । नगरपालिकाले २५५ क्विन्टल चामल, ७१ क्विन्टल दाल, ३२ क्विन्टल नुन तथा १४४० पिस साबुन खरिद गरेर राहतस्वरुप वितरण गरेको नगर उपप्रमुख तथा राहत वितरण व्यवस्थापन समिति संयोजक जागेश्वरी चौधरीले जानकारी दिनुभयो । चामलको खरिद मुल्य प्रतिकेजी सरदर ५३ रुपैंयाँ ५ पैसा, दालको १०१ रुपैंयाँ र नुनको २० रुपैंयाँ रहेको लेखा अधिकृत बस्यालले बताउनुभयो ।

एकद्धार प्रणालीबाट राहत प्रदान गर्ने नीति लिएको नगरपालिकाले हालस झण्डै ३३ सय परिवारलाई राहत वितरण गरिसकेको छ । पहिलो चरणमा २२ सय परिवारलाई राहत दिइएकोमा दोस्रो चरणमा थप ११ सय परिवारमा राहत पुर्याइएको हो । नगरपालिकाले लकडाउनको समय अझैं बढेमा राहत वितरण प्रणालीलाई परिवार संख्याको आधारमा अघि बढाउने तयारी गरेको छ ।

फेसबुकबाट तपाईको प्रतिक्रिया



ताजा समाचार

  • स्याङ्जाको धार्मिक स्थल प्रबर्द्धन गर्न भजन ( भिडियोसहित )
  • वामदेव गौतमले भने : जसले अध्यक्ष दिन्छ त्यतै जान्छु
  • गरिबीको अन्त्य गर्नु नै मुख्य काम : नगरप्रमुख अधिकारी
  • जीवन रक्षका लागि सहयोग गर्न अपिल
  • औद्योगिक विकासका लागि रुपन्देही उद्योग संघ र शुद्धोधन गाउँपालिकाबीच अन्तक्र्रिया…
  • महिला स्वास्थ्य स्वयमसेबिकाहरुलाइ प्रोत्साहन स्वरुप साइकल बितरण
  • अग्रज पत्रकार भट्टराईकाे नेतृत्वमा गठन भयाे रुपन्देहीमा प्रचार समिति
  • प्रधानमन्त्री ओलीद्वारा नेपालकै दोस्रो लामो पुलको उद्घाटन
  • विभाजित नेकपालाई आधिकारिक नमान्ने निर्वाचन आयोगको निर्णय
  • मुसिकोट नगरपालिकाले खानेपानीको क्षेत्रमा महत्वपूर्ण उपलब्धी हासिल गरिएको छ– नगरप्रमुख…