बैंक सेवा सञ्चालन मार्गदर्शन जारी

६ जेष्ठ २०७७, मंगलवार ०   बिचार / प्रतिक्रिया
27 Shares


काठमाडौं- नेपाल राष्ट्र बैंकले लकडाउनको समयमा बैंकको सेवालाई निरन्तरता दिन ‘बैंकको सेवा सञ्चालन मार्गदर्शन, २०७७’ जारी गरेको छ। बैंकको काम सञ्चालन गर्दा बैंकका कर्मचारी सेवाग्राही तथा सरोकारवालाहरूको स्वास्थ्यमा पर्न सक्ने जोखिमलाई न्यूनीकरण गर्न केन्द्रीय बैंकले उक्त मार्गदर्शन जारी गरेको हो। जसअनुसार केन्द्रीय बैंकले बढीमा एक तिहाइ कर्मचारीबाट सेवा सञ्चालन गर्नुपर्ने व्यवस्था गरेको छ भने कर्मचारीबीचमा न्यूनतम भौतिक दुरी कायम गरी काम गर्नुपर्ने व्यवस्था छ।सेवाग्राहीसँग प्रत्यक्ष सम्पर्कमा रहने बैङ्किङ तथा मुद्रा व्यवस्थापन सम्बन्धी काय सञ्चालन गर्दा न्यूनतम भौतिक दुरी कायम गरी अनिवार्य रूपमा ग्लोभ्स र मास्क लगाई सेवा प्रदान गर्नुपर्ने छ।

त्यसै गरी बैंक तथा वित्तीय संस्थाबाट नगद दाखिला बुझिलिँदा सुरुमा सिलबन्दी बक्सा नै बुझिलिने र केही दिनपछि मात्र गणना गरी बुझिलिने व्यवस्था गर्नुपर्ने छ।नोटबाट सङ्क्रमण फैलन नदिन प्राप्त हुने नोट गणना गर्नुअघि डिसइन्फेक्सन गराउन अनिवार्य स्प्रे गराउने व्यवस्था गरेको छ।सेवाग्राहीहरूमा दुरी कायम गर्न रेखाङ्कन तथा क्यु रडको व्यवस्थापन गर्ने तथा कर्मचारीले समेत अत्यावश्यक भन्दा बाहेकका कामहरूको लागि भेट नगर्ने व्यवस्था छ।बैंक प्रवेश गर्दा अनिवार्य रूपमा इन्फ्रारेड थर्मोमिटरबाट शरीरको तापक्रम मापन गर्न लगाउने र कार्यालय प्रवेश गर्ने हरेक सेवाग्राहीले अनिवार्य मास्क प्रयोग गरेको हुनुपर्ने व्यवस्था छ।त्यसैगरी सम्भव नभएसम्मका कामहरू घरबाटै गर्ने व्यवस्था मिलाउनुपर्ने केन्द्रीय बैंकले जनाएको छ।

फेसबुकबाट तपाईको प्रतिक्रिया

ताजा समाचार

  • नेविसंघ महामन्त्री युवराज पाण्डेयले मागे गृहमन्त्री बादलको राजीनामा
  • उद्योग बाणिज्य संघले आफ्ना सदस्य ब्यबसायीहरुको नि:शुल्क कोरोना विमा गर्ने
  • भीरकोट नगरपालिकामा २८ हप्ते आईपिएम कृषक पाठशाला सम्पन्न
  • मिडिया मैत्री बजेट आएन
  • मुलुकमा बढ्दै गईरहेको जातीय बिभेद बिरुद्ध धकधईका युवा
  • अस्पतालको लापरबाहीले सिरहामा एक महिलाको ज्यान गयो
  • कञ्चनमा निर्माणाधिन स्थलमा शौचालय नहुदा कामदारहरु खुल्ला दिसा गर्न बाध्य
  • बजेटले संस्थागत शिक्षालयलाई उपेक्षा गर्याे : शिक्षाविद
  • दोश्रो राष्ट्रिय महिला अधिकार दिवसको अवसरमा मन्त्रीद्धारा शुभकामना व्यक्त
  • रुकुम र देवदह घटनाको छानवीन गर्न समाजवादीको माग